ದಾಳಿಂಬೆ ತೋಟಕ್ಕೆ ಬೆಂಕಿ; ಲಕ್ಷಾಂತರ ರೂ. ನಷ್ಟ

ಸಿರಾ: ದಾಳಿಂಬೆ ತೋಟಕ್ಕೆ ಆಕಸ್ಮಿಕ ಬೆಂಕಿ ಬಿದ್ದ ಪರಿಣಾಮ, ದಾಳಿಂಬೆ ಗಿಡಗಳು ಸೇರಿದಂತೆ ಜೌಷಧಿ, ಹನಿ ನೀರಾವರಿ ಸಲಕರಣಗಳು ಸುಟ್ಟು ಲಕ್ಷಾಂತರ ರೂ. ನಷ್ಟ ಸಂಭವಿಸಿರುವ ಘಟನೆ ತಾಲೂಕಿನ ಕಾಮಗೊಂಡನಹಳ್ಳಿ ಗ್ರಾಮದಲ್ಲಿ ಮಂಗಳವಾರ ತಡರಾತ್ರಿ ನಡೆದಿದೆ.

ಸುಂದರಯ್ಯ ಎಂಬುವರಿಗೆ ಸೇರಿದ್ದ ಸರ್ವೆ ನಂ: 41/7ರಲ್ಲಿ ಇದ್ದ 4 ಎಕರೆ ಜಮೀನಿನಲ್ಲಿ 2 ಎಕರೆಯಷ್ಟು ಜಮೀನಿನಲ್ಲಿ ದಾಳಿಂಬೆ ಬೆಳೆ ಬೆಳೆದಿದ್ದು, ಮೊಗ್ಗು ಬಿಟ್ಟಿದ್ದ ದಾಳಿಂಬೆ ಇನ್ನು ಕೆಲವೇ ತಿಂಗಳಲ್ಲಿ ಫಸಲು ಬರುತ್ತಿತ್ತು. ಮಂಗಳವಾರ ತಡರಾತ್ರಿ ಆಕಸ್ಮಿಕವಾಗಿ ಬೆಂಕಿ ಬಿದ್ದು ನೂರಾರು ದಾಳಿಂಬೆ ಗಿಡ, ಗುಡಸಲಿನಲ್ಲಿ ಇಟ್ಟಿದ್ದ ಜೌಷಧಿಗಳು, ಯಂತ್ರ ಮತ್ತು ಹನಿ ನೀರಾವರಿಯ ಡ್ರಿಪ್‌ ಪೈಪ್‌ಗಳು ಬೆಂಕಿಗೆ ಆಹುತಿಯಾಗಿ ಲಕ್ಷಾಂತರ ರೂ. ನಷ್ಟ ಸಂಭವಿಸಿದೆ.

ತೋಟಗಾರಿಕೆ ಸಹಾಯಕಾಧಿಕಾರಿ ತ್ಯಾಗರಾಜು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಹೆಂದೊರೆ ತಾಪಂ ಸದಸ್ಯ ಕೆ.ಎಂ. ಶ್ರೀನಿವಾಸ್‌, ರೈತ ಸಂಘದ ಪ್ರಧಾನ ಕಾರ್ಯದರ್ಶಿ ನಾದೂರು ಕೆಂಚಪ್ಪ, ಉಪಾಧ್ಯಕ್ಷ ವೀರಗ್ಯಾತಪ್ಪ, ಗೋವಿಂದಪ್ಪ, ಕಾಂತರಾಜು ಉಪಸ್ಥಿತರಿದ್ದರು. ಪಟ್ಟನಾಯಕನಹಳ್ಳಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.