ಮಾಧುಸ್ವಾಮಿ ಬಗ್ಗೆ ಅವಹೇಳನಕಾರಿ ಪೋಸ್ಟ್‌ : ಜೆಡಿಎಸ್ ವಿರುದ್ಧ ದೂರು

ತುಮಕೂರು: ಕಾನೂನು ಸಚಿವ ಜೆ.ಸಿ. ಮಾಧುಸ್ಚಾಮಿ ಬಗ್ಗೆ ಅವಹೇಳನಕಾರಿ ಪೋಸ್ಟ್ ಹಾಕಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಕರ್ನಾಟಕ ಜೆಡಿಎಸ್ ಪೇಜ್ ವಿರುದ್ಧ ಬಿಜೆಪಿ ದೂರು ದಾಖಲಿಸಿದೆ. ಸಾಮಾಜಿಕ ತಾಣ ಟಿಕ್ ಟಾಕ್ನಲ್ಲಿ ಪುರುಷರಿಗೆ ಮೋಸ ಮಾಡಿ ಹಣ ಪೀಕುತ್ತಿದ್ದ ಮಹಿಳೆಯ ಬಗ್ಗೆ ಇತ್ತೀಚಿಗೆ ಸುದ್ದಿಯಾಗಿತ್ತು.

ಆ ಮಹಿಳೆಯ ಫೋಟೋ ಜೊತೆಗೆ ಸಚಿವ ಮಾಧುಸ್ವಾಮಿ ಫೋಟೋವನ್ನು ಜೋಡಿಸಿ, "ಟಿಕ್ ಟಾಕ್ನಲ್ಲಿ ಪರಿಚಯ, ಮದುವೆಯಾಗ್ತೀನಿ ಎಂದು ಮಾಧುಸ್ವಾಮಿಗೆ ನಾಲ್ಕು ಕೋಟಿ ಪೀಕಿದ ಬ್ಯೂಟಿ" ಎಂದು ಅಡಿ ಬರಹ ಬರೆದು ಜೆಡಿಎಸ್ ಕರ್ನಾಟಕ ಪೇಜ್ನಲ್ಲಿ ಪೋಸ್ಟ್ ಮಾಡಲಾಗಿತ್ತು.



ಈ ಬಗ್ಗೆ ಚಿಕ್ಕನಾಯಕನ ಹಳ್ಳಿ ಬಿಜೆಪಿ ಸಾಮಾಜಿಕ ಜಾಲತಾಣ ವಿಭಾಗದ ಸಂಚಾಲಕ ಯೋಗೇಶ್ವರ್, ಸೈಬರ್ ಕ್ರೈಂ ಪೊಲೀಸರಿಗೆ ದೂರು ನೀಡಿದ್ದಾರೆ‌. ಸಚಿವರ ವಿರುದ್ಧ ಅವಹೇಳನಕಾರಿ ಪೋಸ್ಟ್ ಹಾಕಿರುವವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.