ಸಾಲ ನೀಡದ ಬ್ಯಾಂಕ್ ವಿರುದ್ಧ ಯುವಕನ ಪ್ರತಿಭಟನೆ

ತುಮಕೂರು: ಸಾಲ ನೀಡದ ಬ್ಯಾಂಕ್‌ಗಳ ವಿರುದ್ಧ ಯುವಕರೊಬ್ಬರು ತುಮಕೂರು ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಸ್ವಯಂ ಉದ್ಯೋಗ ನಡೆಸಲು ಬ್ಯಾಂಕುಗಳು ಸಾಲ ಕೊಡುತ್ತಿಲ್ಲಎಂದು ಆರೋಪಿಸಿ ನಗರದ ಅಶೋಕ ಎಂಬವರು ಬೆಳಗ್ಗೆಯೇ ಜಿಲ್ಲಾಧಿಕಾರಿ ಕಚೇರಿ ಮುಂದೆ ಪ್ರತಿಭಟನೆ ಆರಂಭಿಸಿದ್ದಾರೆ.

ಮುದ್ರಾ ಯೋಜನೆ ಸೇರಿದಂತೆ ಯಾವ ಯೋಜನೆ ಅಡಿಯೂ ಬ್ಯಾಂಕುಗಳು ಸಾಲ ಕೊಡುತ್ತಿಲ್ಲ. ಇದರಿಂದ ಯುವಕರು ಸ್ವತಃ ಕಾಲ ಮೇಲೆ ನಿಲ್ಲಲು ಸಾಧ್ಯ ವಾಗುತ್ತಿಲ್ಲ. ಸರಕಾರದ ಸಾಲ ಯೋಜನೆಗಳನ್ನು ಅಧಿಕಾರಿಗಳು ವಿಫಲಗೊಳಿಸುತ್ತಿದ್ದಾರೆ ಎಂದು ದೂರಿದ್ದಾರೆ. ಅಶೋಕ ಅವರ ಹೋರಾಟಕ್ಕೆ ಗೆಳೆಯರೊಬ್ಬರು ಸಾಥ್ ನೀಡಿದ್ದಾರೆ.