ಪುರಸಭೆ ದ್ವಿತೀಯ ಅವಧಿಯ ಅಧ್ಯಕ್ಷ, ಉಪಾಧ್ಯಕ್ಷ ಗಾದಿ ಚುನಾವಣೆ ಅನಿರೀಕ್ಷಿತ ತಿರುವುಗಳಿಗೆ ಸಾಕ್ಷಿಯಾಯಿತು. ಯಾರು ನಿರೀಕ್ಷೆ ಮಾಡದ ರೀತಿಯಲ್ಲಿ ಹೆಗ್ಡೆ ಬಣದಲ್ಲಿ ಗುರುತಿಸಿಕೊಂಡಿರುವ ಸದಸ್ಯೆ ಅಧ್ಯಕ್ಷ ಪಟ್ಟ ಏರಿದ್ದಾರೆ. ಮೀಸಲಾತಿ ಬಲದಿಂದ ಅಧ್ಯಕ್ಷಗಾದಿ ಪಡೆಯುವ ಕಾಂಗ್ರೆಸ್ ಆಸೆ ಭಗ್ನಗೊಂಡಿದೆ.
ವಿಕ ಸುದ್ದಿಲೋಕ23 Mar 2016, 6:30 am
ಕುಂದಾಪುರ: ಪುರಸಭೆ ದ್ವಿತೀಯ ಅವಧಿಯ ಅಧ್ಯಕ್ಷ, ಉಪಾಧ್ಯಕ್ಷ ಗಾದಿ ಚುನಾವಣೆ ಅನಿರೀಕ್ಷಿತ ತಿರುವುಗಳಿಗೆ ಸಾಕ್ಷಿಯಾಯಿತು. ಯಾರು ನಿರೀಕ್ಷೆ ಮಾಡದ ರೀತಿಯಲ್ಲಿ ಹೆಗ್ಡೆ ಬಣದಲ್ಲಿ ಗುರುತಿಸಿಕೊಂಡಿರುವ ಸದಸ್ಯೆ ಅಧ್ಯಕ್ಷ ಪಟ್ಟ ಏರಿದ್ದಾರೆ. ಮೀಸಲಾತಿ ಬಲದಿಂದ ಅಧ್ಯಕ್ಷಗಾದಿ ಪಡೆಯುವ ಕಾಂಗ್ರೆಸ್ ಆಸೆ ಭಗ್ನಗೊಂಡಿದೆ.
Vijaya Karnataka Webಕುಂದಾಪುರ ಪುರಸಭೆಯಲ್ಲಿ ಕೈ ತಪ್ಪಿದ ಅಧ್ಯಕ್ಷ ಗಾದಿ
ದ್ವಿತೀಯ ಅವಧಿಯ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನಕ್ಕೆ ಈ ಮೊದಲು ಸಾಮಾನ್ಯ ಮೀಸಲು ಪ್ರಕಟವಾಗಿತ್ತು. ಕೆಲವೇ ದಿನಗಳಲ್ಲಿ ಇದು ರದ್ದುಗೊಂಡಿತ್ತು. ಹೊಸದಾಗಿ ಅಧ್ಯಕ್ಷ ಸ್ಥಾನ ಹಿಂದುಳಿದ ವರ್ಗ ಎ. ಮಹಿಳೆ, ಉಪಾಧ್ಯಕ್ಷ ಸ್ಥಾನ ಸಾಮಾನ್ಯ ಮೀಸಲು ನಿಗದಿಪಡಿಸಿ ಅಧಿಸೂಚನೆ ಹೊರಡಿತ್ತು. ಪುರಸಭೆಯಲ್ಲಿ ಬಹುಮತ ಹೊಂದಿರುವ ಬಿಜೆಪಿ ಹೊಸ ಮೀಸಲು ವಿರೋಧಿಸಿತ್ತು. ಕಾಂಗ್ರೆಸ್ ಅಧಿಕಾರದಾಹದಿಂದ ಮೀಸಲು ಬದಲುಗೊಳಿಸಿದೆ ಎಂದು ಆರೋಪಿಸಿತ್ತು.
ಅಧ್ಯಕ್ಷ ಸ್ಥಾನದ ಹಿಂದುಳಿದ ವರ್ಗ ಎ ಮಹಿಳೆ ಬಿಜೆಪಿಯಲ್ಲಿ ಇಲ್ಲದೆ ಇರುವುದರಿಂದ ಕಾಂಗ್ರೆಸ್-ಸಿಪಿಎಂ ಮೆತ್ರಿಕೂಟದ ಒಬ್ಬರು ಸ್ಥಾನ ಪಡೆಯುವ ಅವಕಾಶ ಒದಗಿಬಂದಿತ್ತು. ಸಿಪಿಎಂ ಸ್ಪರ್ಧೆಯಿಂದ ಹಿಂದೆ ಸರಿದಿದ್ದರಿಂದ ಕಾಂಗ್ರೆಸ್ನ ರವಿಕಲಾ ಗಣೇಶ್ ಪ್ರಮುಖ ಆಕಾಂಕ್ಷಿಯಾಗಿ ಗುರುತಿಸಿಕೊಂಡಿದ್ದರು. ಪಕ್ಷ ಅಧ್ಯಕ್ಷ ಸ್ಥಾನದ ಅಭ್ಯರ್ಥಿ ಎಂದು ನಿರ್ಣಯ ತೆಗೆದುಕೊಂಡಿತ್ತು. 9 ಮಂದಿ ಸದಸ್ಯಬಲದ ಕಾಂಗ್ರೆಸ್ನಲ್ಲಿ ಒಮ್ಮತದ ತೀರ್ಮಾನ ಕೆಗೊಳ್ಳುವ ಹಂತದಲ್ಲಿ ಸೋಮವಾರ ಇದ್ದಕ್ಕಿದ್ದಂತೆ ಭಿನ್ನಮತ ಸ್ಫೋಟಗೊಂಡಿತು. ರವಿಕಲಾ ಅವರಿಗೆ ಅಧ್ಯಕ್ಷ ಸ್ಥಾನದ ಅಭ್ಯರ್ಥಿಯನ್ನಾಗಿ ಮಾಡುವುದಕ್ಕೆ ಶಕುಂತಳ ಗುಲ್ವಾಡಿ ಬಹಿರಂಗ ವಿರೋಧ ವ್ಯಕ್ತಪಡಿಸಿದ್ದಲ್ಲದೆ ಪಕ್ಷದಿಂದ ಹೊರನಡೆಯುವುದಾಗಿ ಘೋಷಿಸಿದರು. ಇವರಿಗೆ ಪುಷ್ಪಾ ಶೇಟ್, ವಸಂತಿ ಸಾರಂಗ, ಜ್ಯೋತಿ ಕೋಡಿ ಬೆಂಬಲ ಸೂಚಿಸಿದರು. ಮುಖಂಡರು ಮನವೊಲಿಸುವ ಪ್ರಯತ್ನ ನಡೆಸಿದರಾದರೂ ಫಲ ಸಿಗಲಿಲ್ಲ. ಇದೆ ಹೊತ್ತಲ್ಲಿ ಭಿನ್ನಮತೀಯ ನಾಲ್ವರು ಸದಸ್ಯರು ಪ್ರತ್ಯೇಕ ಗುಂಪು ಮಾಡಿಕೊಂಡು ಮಾಜಿ ಸಂಸದ ಜಯಪ್ರಕಾಶ್ ಹೆಗ್ಡೆ ಬಣದಿಂದ ಅಧ್ಯಕ್ಷಗಾದಿಗೆ ಸ್ಪರ್ಧಿಸುವುದಾಗಿ ಚುನಾವಣಾಧಿಕಾರಿಯವರಿಗೆ ಪತ್ರ ನೀಡಿದರು.
ವಿದ್ಯಾಮಾನಗಳಿಂದ ಬೇಸತ್ತ ಕಾಂಗ್ರೆಸ್ ಅಭ್ಯರ್ಥಿ ರವಿಕಲಾ ಗಣೇಶ್ ಶೇರುಗಾರ್ ನಾಮಪತ್ರ ಹಿಂಪಡೆದರು. ಇನ್ನೊಂದೆಡೆ ಕಾಂಗ್ರೆಸ್ ಬಂಡಾಯ ಅಭ್ಯರ್ಥಿ ವಸಂತಿ ಸಾರಂಗ ಪರವಾಗಿ ಇನ್ನೊಬ್ಬ ಬಂಡಾಯ ಅಭ್ಯರ್ಥಿ ಶಕುಂತಳಾ ಗುಲ್ವಾಡಿ ನಾಮಪತ್ರ ಹಿಂಪಡೆಯುವ ಮೂಲಕ ವಸಂತಿ ಸಾರಂಗ ಹಾದಿ ಸುಗುಮಗೊಳಿಸಿದರು. ಹೆಗ್ಡೆ ಬಣದವರು ತೋರಿದ ರಾಜಕೀಯ ಆಟಕ್ಕೆ ಕಾಂಗ್ರೆಸ್ ಸೋತುಹೋಗಿದೆ. 9 ಸದಸ್ಯ ಬಲದ ಕಾಂಗ್ರೆಸ್ನ 4 ಸದಸ್ಯರನ್ನು ಸೆಳೆಯುವಲ್ಲಿ ಯಶಸ್ವಿಯಾದ ಹೆಗ್ಡೆ ಬಣ ಚುನಾವಣಾಧಿಕಾರಿಯವರಿಗೆ ಅಧ್ಯಕ್ಷಗಾದಿಗೆ ಸ್ಪರ್ಧಿಸುವುದಾಗಿ ಪತ್ರ ಒಪ್ಪಿಸಿತು. ಬಿಜೆಪಿ ಹೆಗ್ಡೆ ಬಣಕ್ಕೆ ಬಾಹ್ಯ ಬೆಂಬಲ ಘೋಷಿಸಿತು. ಯಾರೂ ನಿರೀಕ್ಷಿಸದ ರೀತಿಯಲ್ಲಿ ವಸಂತಿ ಸಾರಂಗ ಮುಂದಿನ ಎರಡೂವರೆ ವರ್ಷಗಳ ಅವಧಿಗೆ ಅಧ್ಯಕ್ಷರಾಗಿ ಚುನಾಯಿತರಾಗಿದ್ದಾರೆ.
ಹೆಗ್ಡೆ ಬಣಕ್ಕೆ ಗೆಲುವು: 23 ಸದಸ್ಯ ಬಲದ ಪುರಸಭೆಯಲ್ಲಿ ಬಿಜೆಪಿ 12, ಕಾಂಗ್ರೆಸ್ 9, ಸಿಪಿಎಂ 2 ಸ್ಥಾನ ಹೊಂದಿದೆ. ಬಹುಮತ ಹೊಂದಿರುವ ಬಿಜೆಪಿಯಲ್ಲಿ ಹಿಂದುಳಿದ ವರ್ಗ ಮಹಿಳಾ ಸದಸ್ಯರಿಲ್ಲದ ಕಾರಣ ಕಾಂಗ್ರೆಸ್- ಸಿಪಿಎಂ ಮೆತ್ರಿಕೂಟ ಅಧ್ಯಕ್ಷಗಾದಿ ಸ್ಪರ್ಧಿಸಲು ಮುಂದಾಗಿತ್ತು. ರವಿಕಲಾ ಗಣೇಶ್ ಶೇರುಗಾರ್ ಅವರನ್ನು ಅಧ್ಯಕ್ಷ ಸ್ಥಾನದ ಅಭ್ಯರ್ಥಿ ಎಂದು ಘೋಷಿಸಿತ್ತು. ಇದೇ ಸಮಯದಲ್ಲಿ ಕಾಂಗ್ರೆಸ್ ಪಾಳಯದಲ್ಲಿ ಭಿನ್ನಮತ ಸ್ಫೋಟಗೊಂಡಿದ್ದು ನಾಲ್ವರು ಸದಸ್ಯರು ಮಾಜಿ ಸಂಸದ ಕೆ.ಜಯಪ್ರಕಾಶ್ ಹೆಗ್ಡೆ ಬಣದೊಂದಿಗೆ ಗುರುತಿಸಿಕೊಂಡಿದ್ದರು. ಕೊನೆಗೂ ಬಂಡಾಯ ಅಭ್ಯರ್ಥಿಗಳ ಪೆಕಿ ಒಬ್ಬರು ಅಧ್ಯಕ್ಷಗಾದಿಗೆ ಏರಿದ್ದು ಕಾಂಗ್ರೆಸ್ ಅಧ್ಯಕ್ಷಗಾದಿಯಿಂದ ವಂಚಿತವಾಗಿದೆ. ಮೊದಲ ಅವಧಿಯಲ್ಲಿ ಸಿಪಿಎಂಗೆ ಅಧ್ಯಕ್ಷ ಪಟ್ಟ ನಿರಾಯಾಸವಾಗಿ ಒಲಿದಿದ್ದರೆ ದ್ವಿತೀಯ ಅವಧಿಯಲ್ಲಿ ಹೆಗ್ಡೆ ಬಣ ಅನಿರೀಕ್ಷಿತ ಬೆಳವಣಿಗೆಯಲ್ಲಿ ಅಧ್ಯಕ್ಷಗಾದಿ ಹಿಡಿದಿದೆ.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್ಡೌನ್ಲೋಡ್ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.