26ರಿಂದ ಅಖಿಲ ಭಾರತ ಅಂತರ್‌ ವಿವಿ ಟೆನ್ನಿಸ್‌

ಉಡುಪಿ: ಮಣಿಪಾಲ್‌ ಅಕಾಡೆಮಿ ಆಫ್‌ ಹೈಯರ್‌ ಎಜುಕೇಶನ್‌(ಮಾಹೆ) ವತಿಯಿಂದ ಅಖಿಲ ಭಾರತ ಅಂತರ್‌ ವಿವಿ, ಅಂತರ್‌ ವಲಯ ಮಹಿಳಾ ಟೆನ್ನಿಸ್‌ ಪಂದ್ಯಾವಳಿ ಡಿ.26ರಿಂದ 28 ರ ತನಕ ಮಣಿಪಾಲದ ಮಾಹೆ ಕ್ಯಾಂಪಸ್‌ನಲ್ಲಿ ನಡೆಯಲಿದೆ ಎಂದು ಮಾಹೆ ಕ್ರೀಡಾ ಸಮಿತಿ ಕಾರ್ಯದರ್ಶಿ ಡಾ.ವಿನೋದ್‌ ನಾಯಕ್‌ ತಿಳಿಸಿದ್ದಾರೆ.

ಮರೇನಾ ಕ್ರೀಡಾಂಗಣದಲ್ಲಿ ಡಿ.26ರಂದು ಬೆಳಗ್ಗೆ 9.30ಕ್ಕೆ ಭಾರತೀಯ ಕ್ರಿಕೆಟ್‌ ರಂಗದ ನಿವೃತ್ತ ಆಟಗಾರ ರಾಬಿನ್‌ ಸಿಂಗ್‌ ಉದ್ಘಾಟಿಸುವರು. ಡಾ. ಚಿನ್ನಪ್ಪ ರೆಡ್ಡಿ ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ. ನಾಲ್ಕು ವಲಯಗಳ 16ವಿವಿಗಳ 80 ಆಟಗಾರರು ಹಾಗೂ 30 ಅಧಿಕಾರಿಗಳು ಪಾಲ್ಗೊಳ್ಳುವರು. ಮಾಹೆ ವಿವಿಯ ಆರು ಸಿಂಥೆಟಿಕ್‌ ಕೋರ್ಟ್‌ಗಳಲ್ಲಿ ಪಂದ್ಯಾವಳಿ ನಡೆಯಲಿದೆ.