ಉಡುಪಿಯಲ್ಲಿ 18 ಕೊರೊನಾ ಸೋಂಕಿತ ಪ್ರಕರಣ ಪತ್ತೆ: ಸೋಂಕಿತರ ಸಂಖ್ಯೆ 1,276ಕ್ಕೆ ಏರಿಕೆ

ಉಡುಪಿ: ಜಿಲ್ಲೆಯಲ್ಲಿ ಕೊರೊನಾ ಅಟ್ಟಹಾಸ ಮೆರೆಯುತ್ತಿದೆ. ಹೊಸದಾಗಿ 18 ಕೊರೊನಾ ಸೋಂಕಿತ ಪ್ರಕರಣಗಳು ಪತ್ತೆಯಾಗಿದ್ದು, ಕೊರೊನಾ ಪ್ರಕರಣಗಳ ಸಂಖ್ಯೆ 1,276ಕ್ಕೆ ಏರಿಕೆಯಾಗಿದೆ.

ಸೋಂಕಿತರಲ್ಲಿ 4 ವರ್ಷದ ಬಾಲಕಿ ಸಹಿತ ಎಂಟು ಮಹಿಳೆಯರು, 10 ಪುರುಷರಿದ್ದಾರೆ. ಮಂಗಳೂರು ಮತ್ತು ಬೆಂಗಳೂರಿನಿಂದ ಬಂದ ತಲಾ ಮೂವರಿಗೆ, ಸೋಂಕಿತರ ಸಂಪರ್ಕದಿಂದ 11 ಮಂದಿಗೆ ಹಾಗೂ ದ್ವಿತೀಯ ಸಂಪರ್ಕದಿಂದ ಒಬ್ಬರಿಗೆ ಸೋಂಕು ತಗುಲಿದೆ.

ನಿಗಾ ನಿಟ್ಟಿನಲ್ಲಿ 5,937 ಮಂದಿ ನೋಂದಣಿಯಾಗಿದ್ದು 28 ದಿನಗಳ ಮನೆ ನಿಗಾವನ್ನು 4,869 ಮಂದಿ, 14 ದಿನಗಳ ಮನೆ ನಿಗಾವನ್ನು 4,875 ಮಂದಿ ಪೂರೈಸಿದ್ದಾರೆ. ಮನೆ ನಿಗಾದಲ್ಲಿ 1,034 ಮಂದಿ ಮುಂದುವರಿದಿದ್ದಾರೆ.

ಆಸ್ಪತ್ರೆಯ ಐಸೋಲೇಷನ್‌ ವಾರ್ಡ್‌ನಲ್ಲಿ 28 ಮಂದಿ ದಾಖಲಾಗಿದ್ದು ಇವರಲ್ಲಿ ಉಸಿರಾಟದ ತೊಂದರೆ: 7 ಪುರುಷರು, ಇಬ್ಬರು ಮಹಿಳೆಯರು, ಕೋವಿಡ್‌ ಶಂಕಿತರು: 8 ಪುರುಷರು, ಮೂವರು ಮಹಿಳೆಯರು, ಇನ್‌ಫ್ಲುಯೆನ್ಸಾ: 6 ಪುರುಷರು, ಇಬ್ಬರು ಮಹಿಳೆಯರು ಸೇರಿದ್ದಾರೆ.

ಐಸೋಲೇಷನ್‌ ವಾರ್ಡ್‌ ನಿಗಾದಲ್ಲಿ 109 ಮಂದಿ ಇದ್ದಾರೆ. ಐಸೋಲೇಷನ್‌ ವಾರ್ಡ್‌ನಿಂದ ಶನಿವಾರ 11 ಮಂದಿ, ಈ ತನಕ ಒಟ್ಟು 1,072 ಮಂದಿ ಬಿಡುಗಡೆಯಾಗಿದ್ದಾರೆ. ಶನಿವಾರ ಒಟ್ಟು 1,047 ಮಂದಿಯ ಗಂಟಲು ಸ್ರಾವ ಮಾದರಿ ಸಂಗ್ರಹಿಸಿದ್ದು ಇವರಲ್ಲಿಉಸಿರಾಟದ ತೊಂದರೆ: 3, ಕೋವಿಡ್‌ ಸಂಪರ್ಕಿತರು: 84, ಇನ್‌ಫ್ಲುಯೆನ್ಸಾ: 3, ಇತರೆ ಹಾಟ್‌ಸ್ಪಾಟ್‌ನಿಂದ ಬಂದವರು: 957 ಮಂದಿ ಸೇರಿದ್ದಾರೆ.

ಶನಿವಾರ ಒಟ್ಟು 752 ವರದಿ ಬಂದಿದ್ದು ಇದರಲ್ಲಿ733 ನೆಗೆಟಿವ್‌, ಆಸ್ಪತ್ರೆಯಿಂದ ಈ ತನಕ ಒಟ್ಟು 1,114 ಮಂದಿ ಬಿಡುಗಡೆಯಾಗಿದ್ದು 160 ಮಂದಿ ಕೋವಿಡ್‌ 19 ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ತನಕ ಒಟ್ಟು ಮೂರು ಸಾವು ಸಂಭವಿಸಿದೆ. ಇನ್ನೂ 1,712 ವರದಿ ಬರಲು ಬಾಕಿಯಿದೆ. ಈ ತನಕ 17,545 ಗಂಟಲು ಸ್ರಾವ ಮಾದರಿ ಸಂಗ್ರಹಿಸಿದ್ದು ಒಟ್ಟು 15,833 ಪರೀಕ್ಷಾ ವರದಿ ಸ್ವೀಕರಿಸಲಾಗಿದೆ, ಇದರಲ್ಲಿ ನೆಗೆಟಿವ್‌ ಪ್ರಕರಣಗಳ ಸಂಖ್ಯೆ 14,556 ಎಂದು ಡಿಎಚ್‌ಒ ಡಾ. ಸುಧೀರ್‌ಚಂದ್ರ ಸೂಡಾ ತಿಳಿಸಿದ್ದಾರೆ.