ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನಕ್ಕೆ ಭಕ್ತರ ಪ್ರವೇಶ ನಿರ್ಬಂಧ: ಆನ್‌ಲೈನ್‌ ಸೇವೆ ಆರಂಭ

ಕುಂದಾಪುರ: ಕೊರೊನಾ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಭಕ್ತರ ಪ್ರವೇಶ ನಿರ್ಬಂಧಿಸಿರುವ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನದಲ್ಲಿ ಆನ್‌ಲೈನ್‌ ಸೇವೆ ಆರಂಭಿಸಲಾಗಿದೆ.

ಭಕ್ತರ ಪ್ರವೇಶ ನಿರ್ಬಂಧದಿಂದ ದೇವಳದ ಆದಾಯ ಕುಂಠಿತಗೊಂಡಿದೆ. 2019ರಲ್ಲಿ ಮಾರ್ಚ್, ಏಪ್ರಿಲ್‌ ಮತ್ತು ಮೇ ತಿಂಗಳ ಆದಾಯ 13 ಕೋಟಿ ಆಗಿತ್ತು. ಈ ಬಾರಿ ಲಾಕ್‌ಡೌನ್‌ ಕಾರಣಕ್ಕೆ 14 ಕೋಟಿ ರೂ.ನಷ್ಟು ಆದಾಯ ಕಡಿಮೆಯಾಗಿದೆ.

ಆನ್‌ಲೈನ್‌ ಮೂಲಕ ಸೇವೆ ಮಾಡಲಿಚ್ಛಿಸುವ ಭಕ್ತರು ಸಿಂಡಿಕೇಟ್‌ ಬ್ಯಾಂಕ್‌ ಕೊಲ್ಲೂರು ಶಾಖೆ ಉಳಿತಾಯ ಖಾತೆ ನಂಬರ್‌ 01752200000014(ಐಎಫ್‌ಎಸ್‌ಸಿ ಕೋಡ್‌-ಎಸ್‌ವೈಎನ್‌ಬಿ 0000175) ಅಥವಾ ವಿಜಯಾ ಬ್ಯಾಂಕ್‌ ಕೊಲ್ಲೂರು ಶಾಖೆ ಉಳಿತಾಯ ಖಾತೆ ನಂಬರ್‌ 142801011000001(ಐಎಫ್‌ಎಸ್‌ಸಿ ಕೋಡ್‌-ವಿಐಜೆಬಿ 0001428) ಹಣ ಜಮೆ ಮಾಡಬಹುದು. ದೇಣಿಗೆಯನ್ನೂ ನೀಡಬಹುದು.

ಸ್ವೀಕೃತಿ ರಶೀದಿ ಮತ್ತು ಪ್ರಸಾದವನ್ನು ಅಂಚೆ ಮೂಲಕ ಸಂಬಂಧಿತರಿಗೆ ರವಾನಿಸಲಾಗುತ್ತದೆ. ಮಾಹಿತಿಗೆ ದೇವಳದ ವೆಬ್‌ಸೈಟ್‌ (ಕೊಲ್ಲೂರು ಮೂಕಾಂಬಿಕಾ.ಒಆರ್‌ಜಿ)ನಲ್ಲಿ ಲಭ್ಯವಿದೆ ಎಂದು ದೇವಳದ ಕಾರ್ಯನಿರ್ವಹಣಾಧಿಕಾರಿ ಪ್ರಕಟಣೆ ತಿಳಿಸಿದೆ.