ಉಡುಪಿಯ ಆಶೀಶ್‌ ನಾಯಕ್‌ ರಾಜ್ಯ ತಂಡಕ್ಕೆ ಆಯ್ಕೆ

ಉಡುಪಿ: ರಾಜ್ಯ ಕ್ರಿಕೆಟ್‌ ಸಂಸ್ಥೆ ಬೆಂಗಳೂರಿನಲ್ಲಿ ನಡೆಸಿದ 14 ವರ್ಷ ಕೆಳ ಹರೆಯದವರ ಅಂತರ್‌ ವಲಯ ಪಂದ್ಯಾಟದಲ್ಲಿ ಮಂಗಳೂರು ವಲಯ ತಂಡವನ್ನು ಪ್ರತಿನಿಧಿಸಿದ ಆಶೀಶ್‌ ನಾಯಕ್‌ 26 ಮಂದಿಯನ್ನೊಳಗೊಂಡ ರಾಜ್ಯ ಸಂಭಾವ್ಯ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಈತ ಅಂತರ್‌ ವಲಯ ಪಂದ್ಯಾಟದಲ್ಲಿ ಬೌಲಿಂಗಿನಲ್ಲಿ 108-44-183-17 ವಿಕೇಟು ಪಡೆದಿದ್ದು, ಬ್ಯಾಟಿಂಗಿನಲ್ಲಿ 30.31ರ ಸ್ಟ್ರೆಕಿಂಗ್‌ ರೇಟಿನೊಂದಿಗೆ 154 ರನ್‌ ಗಳಿಸಿ ಉತ್ತಮ ಸಾಧನೆ ತೋರಿ ಮಂಗಳೂರು ವಲಯದಿಂದ ಸ್ಥಾನ ಪಡೆದಿರುವ ಏಕೈಕ ಆಟಗಾರನಾಗಿದ್ದಾರೆ.

ಆಶೀಶ್‌ ಉಡುಪಿಯ ವಳಕಾಡು ಸರಕಾರಿ ಶಾಲೆ ವಿದ್ಯಾರ್ಥಿಯಾಗಿದ್ದು, ಪರ್ಕಳ ನೇತಾಜಿ ಸ್ಪೋರ್ಟ್ಸ್ ಕ್ಲಬ್‌ ಸದಸ್ಯರಾಗಿ ಉಡುಪಿ ಜಿಲ್ಲಾ ಕ್ರಿಕೆಟ್‌ ಸಂಸ್ಥೆಯು ಮಾಹೆ ಮಣಿಪಾಲದ ಸಹಕಾರದೊಂದಿಗೆ ಮಣಿಪಾಲದಲ್ಲಿ ನಡೆಸುತ್ತಿರುವ ಕ್ರಿಕೆಟ್‌ ತರಬೇತಿ ಶಿಬಿರದಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಅವರು ಪರ್ಕಳದ ರಮೇಶ್‌ ನಾಯಕ್‌ ಮತ್ತು ಶಕುಂತಲ ದಂಪತಿ ಪುತ್ರ.