ಉಡುಪಿ ಜಿಲ್ಲೆಯ ಮಸೀದಿಗಳಲ್ಲಿಂದು ಈದ್‌ ನಮಾಝ್‌

ಉಡುಪಿ: ಉಡುಪಿ ಜಿಲ್ಲೆಯ ವಿವಿಧ ಮಸೀದಿಗಳಲ್ಲಿ ಜೂ. 5, ಬೆಳಗ್ಗೆ 8ರಿಂದ ಈದ್‌ ನಮಾಝ್‌ ನೆರವೇರಲಿದೆ.

ಉಡುಪಿ ಜಾಮಿಯಾ ಮಸೀದಿಯಲ್ಲಿ ಜೂ. 5, ಬೆಳಗ್ಗೆ 8.30ಕ್ಕೆ ಮೌಲಾನಾ ಅಬ್ದುರ್ರಶೀದ್‌ ನದ್ವಿ ನೇತೃತ್ವ, ಉಡುಪಿ ಅಂಜುಮಾನ್‌ ಮಸೀದಿಯಲ್ಲಿ ಬೆಳಗ್ಗೆ 9ಕ್ಕೆ ಮೌಲಾನಾ ಇನಾಯತುಲ್ಲಾ ರಝ್ವಿ ನೇತೃತ್ವದಲ್ಲಿ ಈದ್‌ ನಮಾಝ್‌ ನಡೆಯಲಿದೆ.

ಉಡುಪಿ ಜಿಲ್ಲಾ ಸಂಯುಕ್ತ ಜಮಾತಿನ ಕೇಂದ್ರ ಮಸೀದಿಯಾದ ಮೂಳೂರು ಜುಮಾ ಮಸೀದಿಯಲ್ಲಿ ಬೆಳಗ್ಗೆ 8.30ಕ್ಕೆ ಖತೀಬ್‌ ಅಲ್‌ಹಾಜ್‌ ಬಿ. ಕೆ. ಅಬ್ದುರ್ರಹ್ಮಾನ್‌ ಮದನಿ ನೇತೃತ್ವದಲ್ಲಿ ಈದ್‌ ವಿಶೇಷ ನಮಾಝ್‌ ಮತ್ತು ಖುತ್ಬ್‌ ಪಾರಾಯಣ ನಡೆಯಲಿದೆ.