ಸಮುದ್ರ ಕೊರೆತ ತಡೆಗೆ 16ಕೋಟಿ ವೆಚ್ಚದ ಕಾಮಗಾರಿಗಳಿಗೆ ಶಂಕುಸ್ಥಾಪನೆ

ಉಡುಪಿ: ಬಂದರು ಮತ್ತು ಮೀನುಗಾರಿಕೆ ಇಲಾಖೆ ಉಡುಪಿ ವಿಭಾಗ ವ್ಯಾಪ್ತಿಯಲ್ಲಿ ಬರುವ ಉಡುಪಿ ತಾಲೂಕು, ಉಡುಪಿ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಒಟ್ಟು 16 ಕೋ.ರೂ.ವೆಚ್ಚದ ವಿವಿಧ ಕಾಮಗಾರಿಗಳಿಗೆ ಶಾಸಕ ಕೆ.ರಘುಪತಿ ಭಚ್‌ ಅವರು ಶುಕ್ರವಾರ ಭೂಮಿ ಪೂಜೆ ನೆರವೇರಿಸಿದರು.

ಕಿದಿಯೂರು ಪಡುಕೆರೆ ಪ್ರದೇಶದಲ್ಲಿ ಶಾಶ್ವತ ತಡೆಗೋಡೆ ನಿರ್ಮಾಣಕ್ಕೆ 9ಕೋಟಿ ರೂ., ತೆಂಕನಿಡಿಯೂರು ಗ್ರಾಮದ ಕಡಲ ತೀರದ ಪ.ವರ್ಗಗಳ ಹಾಗೂ ಮೀನುಗಾರರ ಕುಟುಂಬಗಳ ಮನೆಗಳ ಮುಂಭಾಗದಲ್ಲಿ ತೀರ ಸಂರಕ್ಷ ಣೆ ತಡೆಗೋಡೆ ನಿರ್ಮಾಣಕ್ಕೆ 5 ಕೋಟಿ ಹಾಗೂ ಮಲ್ಪೆ ಕಡಲ ತೀರ ಮತ್ತು ಪುಟಾರ್ಡೊ ಗೆಸ್ಟ್‌ ಹೌಸ್‌ ಬಳಿ ಉಂಟಾಗಿರುವ ಕಡಲ್ಕೊರೆತ ತಡೆಯಲು ತಡೆಗೋಡೆ ನಿರ್ಮಾಣಕ್ಕೆ 2ಕೋಟಿ ಸೇರಿದಂತೆ ಒಟ್ಟು 16ಕೋ.ರೂ.ವೆಚ್ಚದ ನಾನಾ ಕಾಮಗಾರಿಗಳಿಗೆ ಚಾಲನೆ ನೀಡಲಾಯಿತು.

ಮಲ್ಪೆ ಮೀನುಗಾರರ ಸಂಘದ ಅಧ್ಯಕ್ಷ ಸತೀಶ್‌ ಕುಂದರ್‌, ನಗರಸಭೆ ಸದಸರಾದ ಯೋಗೀಶ್‌ ಸಾಲ್ಯಾನ್‌, ಲಕ್ಷ್ಮೀ ಮಂಜು ಕೊಳ, ಎಡ್ಲಿನಾ ಕರ್ಕಡಾ, ತೆಂಕನಿಡಿಯೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕೃಷ್ಣಯ್ಯ ಶೆಟ್ಟಿ, ಪ್ರಮೋದ್‌ ಪಡುಕರೆ ಹಾಗೂ ಸ್ಥಾನೀಯ ಸಮಿತಿಯ ಅಧ್ಯಕ್ಷ ರು, ಪದಾಧಿಕಾರಿಗಳು, ಇಲಾಖಾ ಎಂಜಿನಿಯರ್‌ಗಳು, ಗುತ್ತಿಗೆದಾರರಾದ ಸತೀಶ್‌ ಶೇಟ್‌ ಉಪಸ್ಥಿತರಿದ್ದರು.