ಉಡುಪಿ: ಮೀನುಗಾರರ ಬಲೆಗೆ ಬಿತ್ತು ಔಷಧೀಯ ಗುಣದ ಘೋಲ್ ಫಿಶ್

ಉಡುಪಿ: ಮಲ್ಪೆ ಬಂದರಿನಿಂದ ಮೀನುಗಾರಿಕೆಗೆ ತೆರಳಿದ್ದ ಬೋಟ್‍ವೊಂದರ ಮೀನುಗಾರರ ಬಲೆಗೆ ಅಪರೂಪದ ಮೀನು ಬಿದ್ದಿದ್ದು, 20 ಕೆ.ಜಿ. ತೂಕದ ಈ ಮೀನು ಬರೋಬ್ಬರಿ 1.90 ಲಕ್ಷ ರೂ. ಗೆ ಮಾರಾಟವಾಗಿದೆ.

ಸ್ಥಳೀಯವಾಗಿ ಗೋಳಿ ಮೀನೆಂದು ಗುರುತಿಸಿಕೊಳ್ಳುವ ಈ ಮೀನು ಔಷಧೀಯ ಗುಣವನ್ನು ಹೊಂದಿದೆ. ಈ ಮೀನಿನ ಕೆ.ಜಿ. 9000 ರೂ. ಬೆಲೆ ಇದೆ. ಮಲ್ಪೆ ಬಂದರಿನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ 20 ಕೆ.ಜಿ. ತೂಕದ ಮೀನಿಗೆ 1.90 ಲಕ್ಷ ರೂ. ಕೊಟ್ಟು ಖರೀದಿ ಮಾಡಲಾಗಿದೆ. ಈ ಮೀನು ಕೆ.ಜಿ. ಹೆಚ್ಚಿದಷ್ಟು ಬೆಲೆ ಜಾಸ್ತಿಯಾಗುತ್ತದೆ ಎನ್ನುವುದು ಮತ್ತೊಂದು ವಿಶೇಷ.

ಉಡುಪಿಯ ಬಳಿ ಸೋಮವಾರ ರಾತ್ರಿ ಮೀನುಗಾರಿಕೆಗೆ ತೆರಳಿದ್ದ ಶಾನ್‍ರಾಜ್ ತೊಟ್ಟಂ ಎಂಬುವವರ ಬಲರಾಮ್ ಬೋಟ್‍ನ ಮೀನುಗಾರರ ಬಲೆಗೆ ಈ ಮೀನು ಬಿದ್ದಿದ್ದು, ಇದನ್ನು ಸ್ಥಳೀಯವಾಗಿ ಗೋಳಿ ಎನ್ನುತ್ತಾರೆ. ಈ ಮೀನಿನ ವೈಜ್ಞಾನಿಕ ಹೆಸರು ಘೋಲ್ ಫಿಶ್. ಈ ಮೀನನ್ನು ಗುರುತಿಸಲು ಕಾರವಾರ ಕರ್ನಾಟಕ ವಿವಿ ಕಡಲ ಜೀವಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ. ಶಿವಕುಮಾರ ಹರಗಿ ಮತ್ತು ಶ್ರೀಕಾಂತ್ ಜಿ. ಬಿ. ಸಹಾಯ ಮಾಡಿದ್ದಾರೆ.

ಕೆಂಪು ಭತ್ತ ಖರೀದಿಗೆ ಸಿಗದ ಅನುಮತಿ; ಖರೀದಿ ಕೇಂದ್ರದಲ್ಲಿ ನೋಂದಣಿಗೆ ಬದಲಾಗಬೇಕಿದೆ ಸರ್ಕಾರದ ಆದೇಶ!

ಕರಾವಳಿ ಅಳಿವೆಯ ಆಳಕ್ಕಿರುವ ಈ ಮೀನು ಅರಬ್ಬೀ ಸಮುದ್ರ, ಶ್ರೀಲಂಕಾ, ಮತ್ತು ಆಸ್ಪ್ರೇಲಿಯಾದವರೆಗೆ ಹಬ್ಬಿವೆ. ಈ ಮೀನು ಒಂದೂವರೆ ಮೀಟರ್‌ವರೆಗೆ ಉದ್ದ ಬೆಳೆಯುತ್ತದೆ. ಈ ಮೀನಿನ ಹೊಟ್ಟೆಯನ್ನು ಬಂಗಾರವೆಂದೇ ಪರಿಗಣಿಸಲಾಗಿದೆ.

ಕೇಂದ್ರ ಸರಕಾರದ ನಿರ್ಧಾರಗಳ ಬಗ್ಗೆ ಮಾತನಾಡುವಷ್ಟು ದೊಡ್ಡ ವ್ಯಕ್ತಿ ನಾನಲ್ಲ: ಹಾಲಾಡಿ ಶ್ರೀನಿವಾಸ ಶೆಟ್ಟಿ

ಅಷ್ಟೊಂದು ಔಷಧೀಯ ಗುಣವನ್ನು ಹೊಂದಿರುವ ಈ ಮೀನಿಗೆ ವಿದೇಶದಲ್ಲಿ ಭಾರೀ ಬೇಡಿಕೆ ಇದೆ. 30 ಕೆ.ಜಿ. ಮೀನಿಗೆ 5 ಲಕ್ಷ ರೂ. ತನಕವೂ ಬೆಲೆಬಾಳುತ್ತದೆ. ಈ ಮೀನಿನ ಮಾಂಸ ಅತ್ಯಂತ ರುಚಿಕರ. ಅಷ್ಟೇ ಅಲ್ಲದೇ ವಾಯು ಚೀಲವನ್ನು ಸೌಂದರ್ಯ ವರ್ಧಕ ವಸ್ತುಗಳಲ್ಲಿ ಉಪಯೋಗಿಸಲಾಗುತ್ತದೆ ಎಂದು ಕಾರವಾರ ಕರ್ನಾಟಕ ವಿವಿ ಕಡಲ ಜೀವಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ. ಶಿವಕುಮಾರ ಹರಗಿ ತಿಳಿಸಿದ್ದಾರೆ.