ಆ್ಯಪ್ನಗರ

ಆಭರಣ ಮಳಿಗೆಯಲ್ಲಿ ಆಭರಣ ಗೋ ಗ್ರೀನ್‌ ಅಭಿಯಾನಕ್ಕೆ ಚಾಲನೆ

ಪ್ರತಿಷ್ಠಿತ ಚಿನ್ನಾಭರಣ ಮಳಿಗೆಯಾಗಿರುವ ಆಭರಣ ಜ್ಯುವೆಲ್ಲರ್ಸ್‌ ತನ್ನ ಸ್ಥಾಪನಾ ವರ್ಷದ ಪ್ರತೀಕವಾಗಿ 1935 ಗಿಡಗಳನ್ನು ವಿತರಿಸುವ ಯೋಜನೆ ಹಾಕಿಕೊಂಡಿದ್ದು, ಆಭರಣ ಗೋ ಗ್ರೀನ್‌ ಅಭಿಯಾನಕ್ಕೆ ಸೋಮವಾರ ಉಡುಪಿ ಸಂಸ್ಥೆಯಲ್ಲಿ ಚಾಲನೆ ನೀಡಲಾಯಿತು.

Vijaya Karnataka 3 Jul 2018, 3:12 pm
ಉಡುಪಿ: ಪ್ರತಿಷ್ಠಿತ ಚಿನ್ನಾಭರಣ ಮಳಿಗೆಯಾಗಿರುವ ಆಭರಣ ಜ್ಯುವೆಲ್ಲರ್ಸ್‌ ತನ್ನ ಸ್ಥಾಪನಾ ವರ್ಷದ ಪ್ರತೀಕವಾಗಿ 1935 ಗಿಡಗಳನ್ನು ವಿತರಿಸುವ ಯೋಜನೆ ಹಾಕಿಕೊಂಡಿದ್ದು, ಆಭರಣ ಗೋ ಗ್ರೀನ್‌ ಅಭಿಯಾನಕ್ಕೆ ಸೋಮವಾರ ಉಡುಪಿ ಸಂಸ್ಥೆಯಲ್ಲಿ ಚಾಲನೆ ನೀಡಲಾಯಿತು.
Vijaya Karnataka Web gogreen


ಉಡುಪಿ ಆಭರಣ ಜ್ಯುವೆಲ್ಲರ್ಸ್‌ನಲ್ಲಿ ನಡೆದ ಸಭಾ ಕಾರ್ಯಕ್ರಮದಲ್ಲಿ ನಿವೃತ್ತ ಪ್ರಿನ್ಸಿಪಾಲ್‌ ಲಕ್ಷ್ಮೇ ಬಾಯಿ ಚಾಲನೆ ನೀಡಿ, ಪರಿಸರವೆಂದರೆ ನೇರ ಮತ್ತು ಸತ್ಯ. ಅದರಲ್ಲಿ ಯಾವುದೇ ಕಲ್ಮಶವಿಲ್ಲ. ಮನುಷ್ಯರು ಕೂಡಾ ನೇರ, ಸತ್ಯ ಮನೋಭಾವನೆಯನ್ನು ಮೈಗೂಡಿಸಿಕೊಳ್ಳುವ ಅವಶ್ಯವಿದೆ. ಇದಕ್ಕೆ ಪ್ರತಿಯೊಬ್ಬರೂ ಪರಿಸರವನ್ನು ಉಳಿಸುವ ಕಾಯಕಕ್ಕೆ ಮುಂದಾಗಬೇಕೆಂದು ಸಲಹೆ ನೀಡಿದರು.

ಉರಗ ತಜ್ಞ ಗುರುರಾಜ್‌ ಸನಿಲ್‌ ಮಾತನಾಡಿ, ಗಿಡಗಳಿಗೆ ಜೀವ ಇದೆ. ನಮ್ಮ ಸ್ಪರ್ಶವನ್ನು ಗ್ರಹಿಸಿಕೊಳ್ಳುವ ಸಾಮರ್ಥ್ಯ‌ ಗಿಡಗಳಿವೆ. ನಮ್ಮ ಪ್ರೀತಿ, ವಾತ್ಯಲ್ಸದಿಂದಲೇ ಬೆಳವಣಿಗೆ ಕಂಡಿರುವ ಸಸ್ಯಗಳಿವೆ. ನಾವು ನೆಡುವ ಒಂದು ಗಿಡ ಜೀವಜಲ ರಾಶಿಯನ್ನು ಸೃಷ್ಟಿ ಮಾಡುತ್ತವೆ ಎಂದು ಬಣ್ಣಿಸಿದ ಅವರು, ಗ್ರಾಹಕರ ಮನೆಮಾತಾಗಿರುವ ಆಭರಣ ಸಂಸ್ಥೆ ಪರಿಸರ ಕಾಳಜಿಗೆ ಮುಂದಾಗಿರುವುದು ಶ್ಲಾಘನೀಯ ಎಂದರು.

ಸಂಸ್ಥೆಯ ನಿರ್ದೇಶಕರಾದ ಮಧುಕರ್‌ ಕಾಮತ್‌, ರಾಧಾ ಕಾಮತ್‌, ಮಹೇಶ್‌ ಕಾಮತ್‌, ದಯಾನಂದ ಕಾಮತ್‌ ಉಪಸ್ಥಿತರಿದ್ದರು. ಮುರಳೀಧರ್‌ ಆಚಾರ್ಯ ವಂದಿಸಿದರು. ವಿನೋದ್‌ ಕಾಮತ್‌ ಸ್ವಾಗತಿಸಿ, ಕಾರ‍್ಯಕ್ರಮ ನಿರೂಪಿಸಿದರು.

ಆಭರಣ ಗೋ ಗ್ರೀನ್‌ ಅಭಿಯಾನದ ಅಂಗವಾಗಿ ನಾರ್ತ್‌ ಶಾಲೆಯಲ್ಲಿ ಸಾಂಕೇತಿಕವಾಗಿ ಅತಿಥಿಗಳು ಗಿಡ ನೆಟ್ಟರು. ಬಳಿಕ ಅದರ ಸುತ್ತಲು ಮೆಶ್‌ ಅಳವಡಿಸಿ ಸಂರಕ್ಷಣೆ ಕಾರ್ಯವೂ ನಡೆಯಿತು. ಆಭರಣ ಸಂಸ್ಥೆಗಳಿರುವ ಎಲ್ಲಾ ಶಾಖೆಗಳಲ್ಲಿ ಯೋಜನೆ ನಡೆಯಲಿದ್ದು, 1935 ಗಿಡಗಳನ್ನು ವಿತರಿಸಲಾಗುವುದು ಎಂದು ಸಂಸ್ಥೆ ತಿಳಿಸಿದೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ