ಕೆಎಫ್‌ಡಿ ಸೋಂಕು : ಆಸ್ಪತ್ರೆಯಿಂದ ಫ್ರಾನ್ಸ್‌ ಮಹಿಳೆ ಬಿಡುಗಡೆ

ಉಡುಪಿ: ಶಂಕಿತ ಮಂಗನ ಕಾಯಿಲೆ ಸೋಂಕು ಜ್ವರದಿಂದ ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಗೆ ದಾಖಲಾಗಿದ್ದ ಫ್ರಾನ್ಸ್‌ ಪ್ರವಾಸಿಗ ಮಹಿಳೆ ಸಹಿತ ಇಬ್ಬರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿ ಮಂಗಳವಾರ ಬಿಡುಗಡೆಯಾಗಿದ್ದಾರೆ.

ಉಡುಪಿ: ಮತ್ತೆ 6 ಮಂಗಗಳ ಸಾವು

ಉಡುಪಿ ಜಿಲ್ಲೆಯ ಪೆರ್ನಡ್ಕ, ಕಾಡುಹೊಳೆ, ಕೊಡ್ಲಾಡಿ, ಮಂಡಳ್ಳಿ, ಶಿರ್ಲಾಲು, ಮೂರ್ತು ಪ್ರದೇಶದಲ್ಲಿ ಮಂಗಳವಾರ ಆರು ಮಂಗಗಳ ಶವ ಪತ್ತೆಯಾಗಿದೆ.

ಎರಡು ಮಂಗಗಳ ಮರಣೋತ್ತರ ಪರೀಕ್ಷೆ ನಡೆದಿದೆ. ಶಿರೂರು, ಗೋಳಿಹೊಳೆ, ಕೆರಾಡಿಯಲ್ಲಿ ಮಣಿಪಾಲದ ಎಂಸಿವಿಆರ್‌ ವತಿಯಿಂದ ಸಮೀಕ್ಷೆ ನಡೆಯಿತು.

ಈ ತನಕ 46 ಮಂಗಗಳ ಮರಣೋತ್ತರ ಪರೀಕ್ಷೆ ನಡೆದಿದ್ದು 40ಫಲಿತಾಂಶ ದಲ್ಲಿ 12ಪೊಸಿಟಿವ್‌ ಹಾಗೂ 28 ನೆಗೆಟಿವ್‌. ಜ. 19ರಿಂದ ಫೆ. 2ರ ತನಕ ಮಂಗಗಳಲ್ಲಿ ಕೆಎಫ್‌ಡಿ ಸೋಂಕು ಕಂಡು ಬಂದಿಲ್ಲ. 25ಮಂದಿಯಲ್ಲಿ ಶಂಕಿತ ಜ್ವರ ಕಂಡುಬಂದಿದ್ದು ಯಾರಲ್ಲೂ ಕೆಎಫ್‌ಡಿ ಸೋಂಕು ಪತ್ತೆಯಾಗಿಲ್ಲ.