ಇಬ್ಬರು ಮಕ್ಕಳಿಗೆ ವಿಷವುಣಿಸಿ ತಾಯಿ ಆತ್ಮಹತ್ಯೆ

ಹೆಬ್ರಿ: ಗರ್ಭಕೋಶ ತೊಂದರೆಯಿಂದ ಮನನೊಂದು ಮಹಿಳೆಯೊಬ್ಬರು ತನ್ನಿಬ್ಬರು ಮಕ್ಕಳಿಗೆ ವಿಷ ನೀಡಿ ತಾನೂ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಹೆಬ್ರಿಯ ವರಂಗ ಗ್ರಾಮದ ಮಾತಿಬೆಟ್ಟುವಿನಲ್ಲಿ ನಡೆದಿದೆ.

ದೀಪಾ(35), ಮಕ್ಕಳಾದ ಶ್ರೇಯಾ (9), ಪ್ರಿಯಾ (6) ಮೃತಪಟ್ಟವರು. ದೀಪಾ ಮೂಲತಃ ಶಿವಮೊಗ್ಗ ತಾಲೂಕಿನ ಸಂತೇಕಡೂರಿನವರೆನ್ನಲಾಗಿದೆ.
ಕಾರ್ಕಳದಲ್ಲಿ ಕೋಳಿಾರಂ ನಡೆಸುತ್ತಿದ್ದ ಸಂತೋಷ್ ಎಂಬುವವರ ಪತ್ನಿ ದೀಪಾ ಗರ್ಭಕೋಶದ ತೊಂದರೆಯಿಂದಾಗಿ ಆಗಾಗ ಹೊಟ್ಟೆನೋವು ಕಾಣಿಸಿಕೊಂಡು ಬಳಲಿತ್ತಿದ್ದರು. ಸಾಕಷ್ಟು ಚಿಕಿತ್ಸೆ ಕೊಡಿಸಿದರೂ ಕಾಯಿಲೆ ಗುಣವಾಗಿರಲಿಲ್ಲ. ಇದರಿಂದ ಮನನೊಂದ ದೀಪಾ, ತಾನಿಲ್ಲದೇ ಮಕ್ಕಳಿಗೂ ಬದುಕಲು ಕಷ್ಟವಾಗುತ್ತದೆಂದು ಫೆ. 9ರಂದು ವರಂಗದಲ್ಲಿ ವಾಸವಿದ್ದ ಮನೆಯಲ್ಲಿ ಊಟದಲ್ಲಿ ವಿಷ ಬೆರೆಸಿ ಮಕ್ಕಳಿಗೆ ತಿನಿಸಿದ್ದಾಳೆ. ನಂತರ ತಾನೂ ವಿಷಪ್ರಾಶನ ಮಾಡಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ವಿಷ ಸೇವಿಸಿದ್ದ ತಾಯಿ ಹಾಗೂ ಮಕ್ಕಳನ್ನು ಫೆ. 10ರಂದು ಬೆಳಗ್ಗೆ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ, ದೀಪಾ ಮತ್ತು ಪ್ರಿಯಾ ಮೃತಪಟ್ಟಿದ್ದು, ಇನ್ನೋರ್ವ ಮಗಳನ್ನು ಭಾನುವಾರ ಸಂಜೆ ಮಣಿಪಾಲ ಆಸ್ಪತ್ರೆಗೆ ಕರೆತರಲಾಗಿದೆ. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಆಕೆಯೂ ಮೃತಪಟ್ಟಿದ್ದಾಳೆ. ಮೃತರ ಸಹೋದರಿ ಶಾಂತಿ ಹೆಬ್ರಿ ಠಾಣೆಯಲ್ಲಿ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.