ಕಳ್ಳತನ ಕಡಿವಾಣಕ್ಕೆ ಮುನ್ನೆಚ್ಚರಿಕೆ ವಹಿಸಲು ಸೂಚನೆ

ಕಾರ್ಕಳ: ಉಡುಪಿ ಜಿಲ್ಲೆಯಾದ್ಯಂತ ಕಳ್ಳತನ ಪ್ರಕರಣಗಳು ವರದಿಯಾಗುತ್ತಿದ್ದು, ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳುವಂತೆ ಕಾರ್ಕಳ ಪೊಲೀಸ್‌ ಇಲಾಖೆ ಪ್ರತಿ ದೇವಸ್ಥಾನ ಹಾಗೂ ದೈವಸ್ಥಾನದ ಮುಖ್ಯಸ್ಥರಿಗೆ ನೊಟೀಸ್‌ ಜಾರಿಗೊಳಿಸಿದೆ.

ಕ್ರಮಗಳ ವಿವರ:

* ರಾತ್ರಿ ಸಮಯ ದೇವಸ್ಥಾನದ ಭದ್ರತೆಗಾಗಿ ಕಡ್ಡಾಯವಾಗಿ ಕಾವಲುಗಾರರನ್ನು ನೇಮಿಸಬೇಕು.

* ದೇವಸ್ಥಾನಕ್ಕೆ ಸಂಬಂಧಪಟ್ಟ ಎಲ್ಲಾ ಬೆಲೆಬಾಳುವ ಸೊತ್ತುಗಳನ್ನು ಸೂಕ್ತ ಲಾಕರ್‌ಗಳಲ್ಲಿ ಇರಿಸಬೇಕು.

* ದೇವಸ್ಥಾನದ ಹುಂಡಿ, ಕಾಣಿಕೆ ಡಬ್ಬಿಗಳನ್ನು ಕಾಲ, ಕಾಲಕ್ಕೆ ತೆರೆದು ವಿಲೇವಾರಿ ಮಾಡಬೇಕು. ಹಣವನ್ನು ಹುಂಡಿ ಮತ್ತು ಕಾಣಿಕೆ ಡಬ್ಬಿಯಲ್ಲಿ ಹೆಚ್ಚಿಗೆ ಇರದಂತೆ ನೋಡಿಕೊಳ್ಳಬೇಕು.

* ದೇವಸ್ಥಾನದ ಮುಖ್ಯ ಸ್ಥಳಗಳಲ್ಲಿ ಸೂಕ್ತ ಸಿ.ಸಿ. ಕ್ಯಾಮೆರಾಗಳನ್ನು ಅಳವಡಿಸಬೇಕು ಮತ್ತು ಆ ಸಿ.ಸಿ. ಕ್ಯಾಮರಾಗಳು ಸುಸ್ಥಿತಿಯಲ್ಲಿ ಇರುವಂತೆ ನೋಡಿಕೊಳ್ಳಬೇಕು.

* ದೇವಸ್ಥಾನಕ್ಕೆ ಭೇಟಿ ನೀಡುವ ಅಪರಿಚಿತ ವ್ಯಕ್ತಿಗಳ ಬಗ್ಗೆ ಸೂಕ್ತ ನಿಗಾ ವಹಿಸಿ ಅನುಮಾನ ಬಂದಲ್ಲಿ ತಕ್ಷ ಣ ಠಾಣೆಗೆ ಮಾಹಿತಿ ನೀಡಬೇಕು.


* ನಿರ್ಲಕ್ಷ ್ಯ ಸಲ್ಲದು

ಧಾರ್ಮಿಕ ಕೇಂದ್ರಗಳಲ್ಲಿ ಭದ್ರತಾದೃಷ್ಟಿಯಿಂದ ಮುಂಜಾಗ್ರತಾ ಕ್ರಮಕೈಗೊಳ್ಳಲು ಸಂಬಂಧಿಸಿದವರಿಗೆ ಈಗಾಗಲೇ ಸೂಚಿಸಿದ್ದೇವೆ. ಈ ಬಗ್ಗೆ ಯಾರೂ ನಿರ್ಲಕ್ಷಿಸಬಾರದು.

- ಜೋಯ್‌ ಅಂತೋನಿ, ವೃತ್ತ ನಿರೀಕ್ಷ ಕ ಕಾರ್ಕಳ