ಮಗುವಿಗೆ ಲೈಂಗಿಕ ಕಿರುಕುಳ : ವೃದ್ಧನಿಗೆ ಕಠಿಣ ಸಜೆ

ಉಡುಪಿ: ಹೆಬ್ರಿ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ವರ್ಷದ ಹಿಂದೆ ನಡೆದ ಅಪ್ರಾಪ್ತ ಬಾಲಕಿಯ ಲೈಂಗಿಕ ಹಲ್ಲೆ ಪ್ರಕರಣದ ಆರೋಪಿಗೆ 10 ವರ್ಷ ಕಠಿಣ ಸಜೆ ಹಾಗೂ ದಂಡ ವಿಧಿಸಿ ಉಡುಪಿ ಜಿಲ್ಲಾ ವಿಶೇಷ ನ್ಯಾಯಾಲಯ ಬುಧವಾರ ಆದೇಶ ಹೊರಡಿಸಿದೆ.

ರೋಹಿಣಿ ಸಿಂಧೂರಿ ಹಠಾತ್ ವರ್ಗಾವಣೆ ಏಕೆ? ಗುತ್ತಿಗೆದಾರರ ಕೈವಾಡ ಆರೋಪ

ಸಂತ್ರಸ್ತೆಯ ನೆರೆ ಮನೆಯ ನಿವಾಸಿ ಆರೋಪಿ ಬಸಪ್ಪ (72) ನ ಮೇಲಿನ ಆರೋಪ ಸಾಬೀತಾಗಿದ್ದು, ನ್ಯಾಯಾಲಯ ಶಿಕ್ಷೆಯ ಪ್ರಮಾಣದ ತೀರ್ಪನ್ನು ಸೆ. 23 ಕ್ಕೆ ಕಾಯ್ದಿರಿಸಿತ್ತು. ಅದರಂತೆ ಬುಧವಾರ ಆರೋಪಿಗೆ 10 ವರ್ಷ ಕಠಿಣ ಸಜೆ, 1 ಸಾವಿರ ರೂ. ದಂಡ, ದಂಡ ಪಾವತಿ ಮಾಡಲು ತಪ್ಪಿದರೆ 3 ತಿಂಗಳ ಸಾಧಾರಣ ಸಜೆ ವಿಧಿಸುವಂತೆ ನ್ಯಾಯಾಧೀಶ ಸಿ.ಎಂ. ಜೋಶಿ ತೀರ್ಪು ನೀಡಿದ್ದಾರೆ.

ಅರಣ್ಯದಲ್ಲಿ ಟೆಂಟ್‌ ಪತ್ತೆ, ನಕ್ಸಲ್ ಶಂಕೆಯಲ್ಲಿ ಪೊಲೀಸರಿಂದ ಕೂಂಬಿಂಗ್

2018 ರ ಫೆ. 6 ರಂದು ಘಟನೆ ಲೈಂಗಿಕ ಕಿರುಕುಳದ ಈ ನಡೆದಿದ್ದು, ಫೆ.7ರಂದು ಹೆಬ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಫೆ. 8ರಂದು ಆರೋಪಿಯನ್ನು ಬಂಧಿಸಿ ತನಿಖಾಧಿಕಾರಿಯಾಗಿದ್ದ ಕಾರ್ಕಳ ವೃತ್ತ ನಿರೀಕ್ಷಕ ಜಾಯ್‌ ಅಂಟೋನಿ ಆರೋಪ ಪಟ್ಟಿ ಸಲ್ಲಿಸಿದ್ದರು. ಆರೋಪಿಗೆ ಈ ಹಿಂದೆ ಜಾಮೀನು ಮಂಜೂರಾಗಿತ್ತಾದರೂ ಮನೆಯವರು ಈತನಿಗೆ ಜಾಮೀನು ಭದ್ರತೆ ನೀಡಲು ನಿರಾಕರಿಸಿದ್ದರು. ಇದರಿಂದಾಗಿ ಆರೋಪಿ ನ್ಯಾಯಾಂಗ ಬಂಧದಲ್ಲಿಯೇ ಉಳಿದಿದ್ದ.

ಅರಣ್ಯದಲ್ಲಿ ಟೆಂಟ್‌ ಪತ್ತೆ, ನಕ್ಸಲ್ ಶಂಕೆಯಲ್ಲಿ ಪೊಲೀಸರಿಂದ ಕೂಂಬಿಂಗ್

ಇದೇ ಮೊದಲು ಉಡುಪಿ ಜಿಲ್ಲೆಯಲ್ಲಿ ಪೋಕ್ಸೋ ಕಾಯಿದೆಯಡಿ 70 ವರ್ಷದ ವ್ಯಕ್ತಿ ವಿರುದ್ಧ ಆರೋಪ ಸಾಬೀತಾಗಿದ್ದು, ಸಂತ್ರಸ್ತೆಗೆ ಸಿಗಬೇಕಾದ ಪರಿಹಾರವನ್ನು ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಮೂಲಕ ಪಡೆಯುವಂತೆ ನ್ಯಾಯಾಧೀಶರು ತಿಳಿಸಿದ್ದಾರೆ. ಪೋಕ್ಸೋ ವಿಶೇಷ ಸರಕಾರಿ ಅಭಿಯೋಜಕ ವಾಸು ಪೂಜಾರಿ ಸರಕಾರದ ಪರವಾಗಿ ವಾದ ಮಂಡಿಸಿದ್ದರು.