ಉಡುಪಿಯಲ್ಲಿ ಮಾಸ್ಕ್‌ ಧರಿಸದೆ ಓಡಾಡಿದ 84ಮಂದಿಗೆ ತಲಾ ₹100 ದಂಡ

ಉಡುಪಿ: ಕೋವಿಡ್‌ 19 ವೈರಸ್‌ ಹರಡುವುದನ್ನು ತಡೆಗಟ್ಟಲು ಸಾರ್ವಜನಿಕ ಮತ್ತು ಕೆಲಸ ನಿರ್ವಹಿಸುವ ಸ್ಥಳದಲ್ಲಿಮಾಸ್ಕ್‌ ಧರಿಸದವರಿಂದ ಉಡುಪಿ, ಮಣಿಪಾಲ, ಮಲ್ಪೆಯಲ್ಲಿ ಕಳೆದ ಎರಡು ದಿನಗಳಲ್ಲಿ8,400 ರೂ. ದಂಡ ವಸೂಲಾಗಿದೆ.

ಉಡುಪಿ ನಗರಸಭೆ ವತಿಯಿಂದ ಈ ಕಾರ್ಯಾಚರಣೆ ನಡೆದಿದೆ. ಸಾರ್ವಜನಿಕರು ಮಾಸ್ಕ್‌, ಫೇಸ್‌ ಕವರ್‌ ಬಳಸುವುದು ಕಡ್ಡಾಯವಾಗಿದ್ದು ಶುಕ್ರವಾರ ಮಾಸ್ಕ್‌ ಧರಿಸದೆ ಉಡುಪಿ, ಮಣಿಪಾಲದಲ್ಲಿ ತಿರುಗುತ್ತಿದ್ದ 64 ಮಂದಿಗೆ ಸ್ಥಳದಲ್ಲೇ ದಂಡ ವಿಧಿಸಿ 6,400ರೂ. ಸಂಗ್ರಹಿಸಲಾಗಿದೆ.

ಸಾಮಾಜಿಕ ಅಂತರ ಕಾಪಾಡದಿದ್ದರೆ 200 ರೂ. ದಂಡ ವಿಧಿಸಲಾಗುತ್ತಿದೆ. ಶನಿವಾರ ಮಲ್ಪೆ ಮತ್ತು ವಡಭಾಂಡೇಶ್ವರ ಬೀಚ್‌ನಲ್ಲಿ 21ಮಂದಿಯಿಂದ 2,100 ದಂಡ ಸಂಗ್ರಹಿಸಲಾಗಿದೆ. ನಗರಸಭೆ ಪರಿಸರ ಅಭಿಯಂತರರಾದ ಸ್ನೇಹಾ, ನಗರಸಭೆ ಆರೋಗ್ಯ ನಿರೀಕ್ಷಕ ಕರುಣಾಕರ, ಶಶಿರೇಖಾ ತಂಡದಲ್ಲಿದ್ದರು.

ಮಾತೃಶ್ರೀ, ಸಾಂತ್ವನ ಯೋಜನೆ ಮುಂದುವರಿಸಲು ಸಿಎಂಗೆ ಪತ್ರ ಬರೆದ ಸಿದ್ದರಾಮಯ್ಯ

ಶನಿವಾರ ಬೆಳಗ್ಗಿನ ಬುಲೆಟಿನ್ ಪ್ರಕಾರ ಕರ್ನಾಟಕದಲ್ಲಿ ಇಂದು 23 ಹೊಸ ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 1079ಕ್ಕೆ ಏರಿಕೆಯಾಗಿದೆ. ದಿನೇದಿನೆ ಕೊರೊನ ಸೋಂಕು ಪ್ರಕರಣಗಳು ಹೆಚ್ಚುತ್ತಿದ್ದು, ನಿಯಂತ್ರಿಸುವ ಸಲುವಾಗಿ ಜಿಲ್ಲಾಡಳಿತ ಕಠಿಣ ಕ್ರಮ ಕೈಗೊಳ್ಳುತ್ತಿದೆ. ಈ ಕಾರಣಕ್ಕಾಗಿಯೇ ಮಾಸ್ಕ್‌ ಧರಿಸುವುದನ್ನು ಕಡ್ಡಾಯಮಾಡಲಾಗಿದೆ.

ಹೊಸ ಸಾಮಾನ್ಯ ಪರಿಸ್ಥಿತಿಗೆ ಒಗ್ಗಿಕೊಂಡು ಕೈಗಾರಿಕೆಗಳನ್ನು ಪ್ರಾರಂಭಿಸಿ: ಜಗದೀಶ್‌ ಶೆಟ್ಟರ್‌ ಕರೆ!