ಪ್ರೈಮ್‌ನಲ್ಲಿ ದ್ವಿತೀಯ ಪಿಯು, ಸಿಇಟಿ ಆನ್‌ಲೈನ್‌ ತರಬೇತಿ ಆರಂಭ!

ಉಡುಪಿ: ಕಳೆದ 12 ವರ್ಷಗಳಿಂದ ಪಿಯುಸಿ-ಸಿಇಟಿ, ನೀಟ್‌ ವಿದ್ಯಾರ್ಥಿಗಳಿಗೆ ಗುಣಮಟ್ಟದ ತರಬೇತಿ ನೀಡಿ ದೇಶದ ಪ್ರತಿಷ್ಠಿತ ಎಂಜಿನಿಯರಿಂಗ್‌ ಹಾಗೂ ಮೆಡಿಕಲ್‌ ಕಾಲೇಜುಗಳಲ್ಲಿ ಪ್ರವೇಶ ಪಡೆಯುವಲ್ಲಿ ಯಶಸ್ವಿಯಾಗಿರುವ ಉಡುಪಿಯ ಪ್ರೈಮ್ ಸಂಸ್ಥೆ, ಇದೀಗ ವಿನೂತನ ರೀತಿಯ ಶೈಕ್ಷಣಿಕ ಕ್ರಮದೊಂದಿಗೆ 2020-21ನೇ ಸಾಲಿನ ದ್ವಿತೀಯ ಪಿಯು ಪಿಸಿಎಂಬಿ ಸಿಲೆಬಸ್‌, ಸಿಇಟಿ-ನೀಟ್‌, ಜೆಇಇ ಮೈನ್ಸ್‌ ಪರೀಕ್ಷೆಗೆ ಆನ್‌ಲೈನ್‌ ತರಬೇತಿ ತರಗತಿಗಳನ್ನು ಉಡುಪಿ, ಕುಂಜಿಬೆಟ್ಟುವಿನಲ್ಲಿರುವ ತನ್ನ ಕೇಂದ್ರದಲ್ಲಿಆರಂಭಿಸಿದೆ.

ಜೂ.6ರಂದು ಸಂಸ್ಥೆಯ ಸ್ಥಾಪಕ ರತ್ನಕುಮಾರ್‌ ಅವರು ಆನ್‌ಲೈನ್‌ ತರಬೇತಿ ತರಗತಿಗಳನ್ನು ಉದ್ಘಾಟಿಸಿ ಚಾಲನೆ ನೀಡಿದರು. ಈ ಸಂದರ್ಭ ಮಾತನಾಡಿದ ಅವರು ವಿದ್ಯಾರ್ಥಿಗಳ ನಿರಂತರ ಕಲಿಕಾ ಶಕ್ತಿಗೆ ಕೋವಿಡ್‌-19 ಸಂಕಷ್ಟ ಅಡಚಣೆಯಾಗಿರುವುದು ವಾಸ್ತವಾಂಶ. ಆದರೂ ವಿದ್ಯಾರ್ಥಿಗಳ ಸುರಕ್ಷತೆಯ ದೃಷ್ಟಿಯಿಂದ ಆನ್‌ಲೈನ್‌ ತರಗತಿಯ ಮೂಲಕ ವಿದ್ಯಾರ್ಥಿಗಳು ಕಲಿಕೆಯ ಪ್ರಕ್ರಿಯೆಯಲ್ಲಿ ತೊಡಗಿಕೊಂಡರೆ ಸಮತೋಲನ ಸಾಧಿಸಬಹುದು ಎಂದು ಶುಭ ಹಾರೈಸಿದರು.

ಈ ತರಬೇತಿಯು ಪ್ರತಿದಿನ ಜರುಗಲಿದ್ದು, ಮೊದಲಿಗೆ ದ್ವಿತೀಯ ಪಿಯು ಪಿಸಿಎಂಬಿ ಪಠ್ಯಕ್ರಮದ ವಿಷಯಗಳಿಗೆ ಸಂಬಂಧಿಸಿದಂತೆ ನುರಿತ ಅನುಭವಿ ಪ್ರಾಧ್ಯಾಪಕರಿಂದ ಆನ್‌ಲೈನ್‌ ತರಗತಿಗಳನ್ನು ನಡೆಸಲಾಗುವುದು. ನಂತರ ಸಿಇಟಿ, ನೀಟ್‌ ಹಾಗೂ ಮಣಿಪಾಲ ವಿವಿ ಪರೀಕ್ಷೆಗಳಿಗೆ ತರಬೇತಿ ನೀಡಲಾಗುವುದು.

ಚೀನಾ ನಮ್ಮ ನೆಲ ಕಬಳಿಸಿದೆಯಾ ಎಂಬ ರಾಹುಲ್ ಪ್ರಶ್ನೆಗೆ ಲಡಾಖ್ ಬಿಜೆಪಿ ಸಂಸದನ ಉತ್ತರ..!

ವಿದ್ಯಾರ್ಥಿಗಳಿಗೆ ಹೊರೆಯಾಗದ ರೀತಿಯಲ್ಲಿ ಶಿಕ್ಷಣ ಕ್ರಮ ರಚಿಸಲಾಗಿದ್ದು, ನಿರಂತರ ಆನ್‌ಲೈನ್‌ ತರಗತಿಗಳೊಂದಿಗೆ ಪ್ರತೀ ಅಧ್ಯಾಯ ಆಧರಿತ ಪರೀಕ್ಷೆಯನ್ನು ಆನ್‌ಲೈನ್‌ನಲ್ಲಿ ನಡೆಸಲಾಗುವುದು. ಆಸಕ್ತ ಅಭ್ಯರ್ಥಿಗಳು ಮಾಹಿತಿಗೆ ಪ್ರೈಮ್‌ ಸಿಇಟಿ ಸೆಂಟರ್‌, ಕ್ಲಾಸಿಕ್‌ ಕಾಂಪ್ಲೆಕ್ಸ್‌, ಎಂಜಿಎಂ ಕಾಲೇಜು ಹತ್ತಿರ, ಡಯನಾ ಟಾಕೀಸ್‌ ರಸ್ತೆ, ಕುಂಜಿಬೆಟ್ಟು, ಉಡುಪಿ ಕಚೇರಿ ಸಂಪರ್ಕಿಸಬಹುದು ಎಂದು ಸಂಸ್ಥೆಯ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.