ಹೆಬ್ರಿ: ಥ್ರಿಲ್ಲಿಂಗ್‌ಗಾಗಿ ಆತ್ಮಹತ್ಯೆಗೆ ಯತ್ನಿಸುತ್ತಿರುವ ಸೆಲ್ಫಿ ಫೋಟೋ ಕ್ಲಿಕ್ಕಿಸಿಕೊಳ್ಳಲು ಹೋಗಿ ಬಾಲಕನೊಬ್ಬ ಪ್ರಾಣಾಪಾಯಕ್ಕೆ ಸಿಲುಕಿ ಆಸ್ಪತ್ರೆಗೆ ದಾಖಲಾದ ಘಟನೆ ತಡವಾಗಿ ವರದಿಯಾಗಿದೆ.
ಕಬ್ಬಿನಾಲೆ ಗ್ರಾಮದ ಕೊಂಕಣಾರಬೆಟ್ಟುವಿನ ಬಾಲಕ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಳ್ಳುವಂತೆ ನಟಿಸಿ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಸ್ನೇಹಿತನೊಂದಿಗೆ ಯತ್ನಿಸುತ್ತಿದ್ದ ವೇಳೆ ಆಕಸ್ಮಿಕವಾಗಿ ನಿಂತಿರುವ ಸ್ಟೂಲ್‌ ಜಾರಿ ಬಿದ್ದು, ಕುತ್ತಿಗೆಗೆ ನೇಣು ಬಲವಾಗಿ ಬಿಗಿದಿತ್ತು.
ತಕ್ಷ ಣ ಆತನ ಸ್ನೇಹಿತ ಮನೆಯವರಿಗೆ ತಿಳಿಸಿ ಮನೆಯವರು ಬಾಲಕನನ್ನು ಹೆಬ್ರಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದು, ನಂತರ ಮಣಿಪಾಲದ ಆಸ್ಪತ್ರೆಯಲ್ಲಿ ಇದೀಗ ಚಿಕಿತ್ಸೆ ನೀಡಲಾಗುತ್ತಿದ್ದು ಬಾಲಕ ಚೇತರಿಸಿಕೊಳ್ಳುತ್ತಿದ್ದಾನೆ. ಸ್ಥಳೀಯ ಉದ್ಯಮಿ ದಾಮೋದರ ನಾಯಕ್‌ ಮಾನವೀಯತೆ ಮೆರೆದು ಸಕಾಲದಲ್ಲಿ ತನ್ನ ವಾಹನದಲ್ಲಿ ಬಾಲಕನನ್ನು ಆಸ್ಪತ್ರೆಗೆ ಚೇರಿಸಿ ಕೊಡಿಸಿ ಚಿಕಿತ್ಸೆ ಕೊಡಿಸುವಲ್ಲಿ ನೆರವಾದರು.