ಸಮುದ್ರದಲ್ಲಿ ಪದ್ಮಾಸನ ಭಂಗಿ: ಕಾಲಿಗೆ ಸರಪಳಿ ಬಿಗಿದು ಈಜಿ ದಾಖಲೆ ಬರೆದ ಗಂಗಾಧರ್ ಜಿ. ಕಡೆಕಾರ್

ವರದಿ: ಅಜಿತ್ ಆರಾಡಿ

ಪದ್ಮಾಸನ ಭಂಗಿಯಲ್ಲಿ ಈಜಿ ದಾಖಲೆ ಬರೆದ ಗಂಗಾಧರ್ ಜಿ. ಕಡೆಕಾರ್

ಉಡುಪಿ: ಅಲೆಗಳ ಅಬ್ಬರಗಳಿಗೆ ಎದೆವೊಡ್ಡಿ ಪದ್ಮಾಸನ ಭಂಗಿಯಲ್ಲಿ ಕಾಲಿಗೆ ಸರಪಳಿ ಸುತ್ತಿ ಬೀಗ ಹಾಕಿ 1.400 ಕಿ.ಮೀ. ದೂರ ಈಜಿ ರಾಷ್ಟ್ರೀಯ ಈಜು ಪಟು ಗಂಗಾಧರ್ ಜಿ. ಕಡೆಕಾರ್ ಸಾಧನೆ ಮರೆದಿದ್ದಾರೆ.

ಬ್ರೆಸ್ಟ್ ಸ್ಟ್ರೋಕ್ ಶೈಲಿಯಲ್ಲಿ ಸಮುದ್ರದಲ್ಲಿ ಗಂಗಾಧರ್ ಈಜುವ ಮೂಲಕ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ ‌ನಲ್ಲಿ ದಾಖಲೆ ಬರೆದಿದ್ದಾರೆ.

ಒಂದು ಗಂಟೆ 13 ನಿಮಿಷ 7 ಸೆಕೆಂಡ್ ನಲ್ಲಿ 1.400 ಕಿ.ಮೀ ಕ್ರಮಿಸುವ ಮೂಲಕ ಈ ಸಾಧನೆ ಮಾಡಿದ್ದಾರೆ. ಶ್ರೀ ದೇವಿ ಭಜನಾ ಮಂದಿರ ಬಳಿಯ ಪಡುಕರೆ ಕಡಲ ಕಿನಾರೆಯಲ್ಲಿ ಈ ಸಾಹಸವನ್ನು ಪ್ರದರ್ಶಿಸಿದ್ದಾರೆ.
ಸಮುದ್ರದಲ್ಲಿ ಪದ್ಮಾಸನ, ಕಾಲಿಗೆ ಸರಪಳಿ ಬಿಗಿದು ಈಜಿ ದಾಖಲೆ ಬರೆದ ಬಂಟ್ವಾಳದ ಶಿಕ್ಷಕ
ಪದ್ಮಾಸನ ಭಂಗಿಯಲ್ಲಿದ್ದ ಗಂಗಾಧರ್ ಅವರ ಕಾಲಿಗೆ ಸರಪಳಿ ಸುತ್ತಿ ಬೀಗ ಹಾಕಲಾಯಿತು. ಬೆಳಗ್ಗೆ 8.36 ಸಮುದ್ರದಲ್ಲಿ ಈಜು ಆರಂಭಿಸಿದ ಅವರು 9.40ಕ್ಕೆ ದಡ ಸೇರಿದರು.
ಈಜು ಆರಂಭದಿಂದ ಕೊನೆಯ ತನಕವೂ ತೇಲುವ ಮಾರ್ಕಿಂಗ್ ಮಾಡಲಾಗಿತ್ತು. ಕರಾವಳಿ ಕಾವಲು ಪಡೆಯ ಪೊಲೀಸರು ಬೋಟ್‌ನೊಂದಿಗೆ ಸಜ್ಜಾಗಿದ್ದರು. ಸುತ್ತಲೂ ರಕ್ಷಣಾ ಬೋಟ್‌ಗಳಿದ್ದವು. ಗಂಗಾಧರ್ ಜಿ. ಕಡೆಕಾರ್ (65) ಆರ್‌ಟಿಒ ಇಲಾಖೆಯಲ್ಲಿ ಅಧಿಕಾರಿಯಾಗಿದ್ದರು.