2019ರ ಯುಪಿಎಸ್‌ಸಿ ಅಂತಿಮ ಫಲಿತಾಂಶ ಪ್ರಕಟ: ಈ ಬಾರಿಯ ಟಾಪರ್‌ ಯಾರು?

ಹೊಸದಿಲ್ಲಿ: ಕೇಂದ್ರೀಯ ನಾಗರಿಕನ ಸೇವಾ ಆಯೋಗ (ಯುಪಿಎಸ್‌ಸಿ) ನಡೆಸುವ 2019 ಸಾಲಿನ ನಾಗರಿಕ ಸೇವಾ ಪರೀಕ್ಷೆಗಳ ಫಲಿತಾಂಶ ಮಂಗಳವಾರ ಪ್ರಕಟವಾಗಿದೆ. ಈ ಬಾರಿ ಪ್ರದೀಪ್‌ ಸಿಂಗ್‌ ಅಖಿಲ ಭಾರತ ಮೊದಲ ಸ್ಥಾನ ಪಡೆದಿದ್ದಾರೆ. ಜತಿನ್‌ ಕಿಶೋರ್‌ ಎರಡನೇ ಸ್ಥಾನ ಪಡೆದಿದ್ದರೆ, ಪ್ರತಿಭಾ ಶರ್ಮ ಅವರು 3ನೇ ಸ್ಥಾನ ಪಡೆಸಿದ್ದಾರೆ.

2019ರ ಬ್ಯಾಚ್‌ನಲ್ಲಿ ಐಎಎಸ್‌, ಐಪಿಎಸ್‌, ಐಎಫ್‌ಎಸ್‌ ಸೇರಿದಂತೆ ವಿವಿಧ ನಾಗರಿಕ ಸೇವೆಗಳಡಿ ಒಟ್ಟು 829 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಟಾಪ್‌ 25 ಪಟ್ಟಿಯಲ್ಲಿ 9 ಮಂದಿ ಮಹಿಳಾ ಅಭ್ಯರ್ಥಿಗಳಿದ್ದಾರೆ.

ಈ ಭಾರಿ ಆಯ್ಕೆಯಾಗಿರುವ 829 ಅಭ್ಯರ್ಥಿಗಳ ಪೈಕಿ, 304 ಅಬ್ಯರ್ಥಿಗಳು ಸಾಮಾನ್ಯ (ಜನರಲ್‌) ಕೋಟಾದಡಿ ಆಯ್ಕೆಯಾಗಿದ್ದಾರೆ. ಉಳಿದಂತೆ ಆರ್ಥಿಕವಾಗಿ ಹಿಂದುಳಿದ ವರ್ಗದಿಂದ 78 ಮಂದಿ, ಇತರೆ ಹಿಂದುಳಿದ ವರ್ಗ (ಒಬಿಸಿ)ದಿಂದ 251 ಮಂದಿ, ಪರಿಶಿಷ್ಟ ಜಾತಿಯಿಂದ 129 ಹಾಗೂ ಪರಿಶಿಷ್ಟ ವರ್ಗದಿಂದ 67 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ.

2020 ನೀಟ್‌ ಸೂಪರ್‌ ಸ್ಪೆಷಾಲಿಟಿ ಪರೀಕ್ಷೆಗೆ ಆನ್‌ಲೈನ್‌ ಅಪ್ಲಿಕೇಶನ್‌ ಆರಂಭ

182 ವಿದ್ಯಾರ್ಥಿಗಳ ಪರೀಕ್ಷಾ ಪಲಿತಾಂಶವನ್ನು ಕಾಯ್ದಿರಿಸಲಾಗಿದೆ. 11 ವಿದ್ಯಾರ್ಥಿಗಳ ಪಳಿತಾಂಶವನ್ನು ತಡೆ ಹಿಡಿಯಲಾಗಿದೆ.

ಕೇಂದ್ರ ಲೋಕ ಸೇವಾ ಆಯೋಗದ ಅಧಿಕೃತ ವೆಬ್‌ಸೈಟ್‌ನಲ್ಲಿ (www.upsc.gov.in) ಫಲಿತಾಂಶ ಲಭ್ಯವಿದೆ.