ಮೋದಿ ವಿರುದ್ಧ ಪೋಸ್ಟ್‌: ವಾಟ್ಸಾಪ್‌ ಗ್ರೂಪ್ ಅಡ್ಮಿನ್‌ ಸೆರೆ

ಭಟ್ಕಳ: ಪ್ರಧಾನಿ ಮೋದಿ ಅವರ ವಿರುದ್ಧ ಅವಹೇಳನಕಾರಿ ಪೋಸ್ಟ್‌ ಮಾಡಿರುವುದಕ್ಕಾಗಿ ಮುರ್ಡೇಶ್ವರದಲ್ಲಿ ವಾಟ್ಸಾಪ್‌ ಅಡ್ಮಿನ್‌ವೊಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.

ಸಾಮಾಜಿಕ ಮಾಧ್ಯಮಗಳಲ್ಲಿ ಆಗುವ ಪೋಸ್ಟ್‌ಗಳಿಗೆ ಅಡ್ಮಿನ್‌ ಜವಾಬ್ದಾರಿ ಎಂಬ ಕಾನೂನು ಜಾರಿಗೊಂಡ ಬಳಿಕ ಕರ್ನಾಟಕದಲ್ಲಿ ದಾಖಲಾಗಿರುವ ಮೊದಲ ಪ್ರಕರಣ ಇದಾಗಿದೆ.

'ದಿ ಬಾಲ್ಸೆ ಬಾಯ್ಸ್‌' ಎಂಬ ವಾಟ್ಸಾಪ್‌ ಗ್ರೂಪ್‌ನ ಅಡ್ಮಿನ್‌ , ಬೈಲೂರು ನಿವಾಸಿ ಕೃಷ್ಣ ಸಣ್ಣತಮ್ಮ ನಾಯ್ಕ್‌ ಬಂಧಿತ ಆರೋಪಿ. ಆರೋಪಿ ಆಟೊ ಚಾಲಕ.

ಪ್ರಧಾನಿ ಮೋದಿ ಅವರನ್ನು ಕೆಟ್ಟದಾಗಿ ಮತ್ತು ಅಶ್ಲೀಲವಾಗಿ ಬಿಂಬಿಸುವ ಪೋಟೊವನ್ನು ವಾಟ್ಸಾಪ್‌ ಗ್ರೂಪ್‌ನಲ್ಲಿ ಪ್ರಸಾರ ಮಾಡಿದ್ದರು. ಮತ್ತೊಬ್ಬ ಆರೋಪಿ ಗಣೇಶ್‌ ನಾಯ್ಕ್‌ ಜಾಮೀನಿನ ಮೇಲೆ ಬಿಡುಗಡೆಗೊಂಡಿದ್ದು, ಆರೋಪಿ ಬಾಲಕೃಷ್ಣ ನಾಯ್ಕ್‌ ಪತ್ತೆಗಾಗಿ ಪೊಲೀಸರು ಶೋಧ ಕಾರ್ಯಾಚರಣೆ ಕೈಗೊಂಡಿದ್ದಾರೆ.