ಮಹಾಬಲೇಶ್ವರ ದೇವಾಲಯದಲ್ಲಿ ಅಂಜನಾದ್ರಿ ಶಿಲೆ ಪೂಜೆ

ಗೋಕರ್ಣ: ಆಗಸ್ಟ್‌ 5 ರಂದು ಇತಿಹಾಸದ ಶ್ರೇಷ್ಠ ಕಾರ್ಯದ ಪ್ರಾರಂಭದ ದಿನವಾಗುತ್ತದೆ. ಆ ಕಾರ್ಯಕ್ರಮಕ್ಕೆ ನಾವೆಲ್ಲರೂ ಸಾಕ್ಷಿಯಾಗ ಬೇಕು ಎಂದು ಶ್ರೀರಾಮ ಸೇನೆಯ ರಾಜ್ಯಾಧ್ಯಾಕ್ಷ ಪ್ರಮೋದ ಮುತಾಲಿಕ ಹೇಳಿದರು.

ಅಯೋಧ್ಯೆಯಲ್ಲಿರಾಮ ಮಂದಿರದ ಶಿಲಾನ್ಯಾಸಕ್ಕೆ ಅಂಜನಾದ್ರಿ ಪರ್ವತದಿಂದ ತಂದ ಶಿಲೆಯನ್ನು ಇಲ್ಲಿನ ಮಹಾಬಲೇಶ್ವರ ದೇವಾಲಯಕ್ಕೆ ತಂದು ಪೂಜೆ ಸಲ್ಲಿಸಿ ನಂತರ ಮಾತನಾಡಿದರು.

500ವರ್ಷಗಳ ಸುಧೀರ್ಘ ಹೋರಾಟಕ್ಕೆ ತೆರೆಬಿದ್ದಿದೆ. ಈ ಸಮಯದಲ್ಲಿಅದೆಷ್ಟೂ ತ್ಯಾಗ ಬಲಿದಾನಗಳು ನಡೆದಿದೆ ಎಂದ ಅವರು ಸ್ವಾತಂತ್ರತ್ರ್ಯ ಬಂದ ನಂತರವು ಹೋರಾಟ ನಡೆದಿದ್ದನ್ನು ಸ್ಮರಿಸಿದರು.

ಆಡಳಿತಾಧಿಕಾರಿ ಜಿ.ಕೆ.ಹೆಗಡೆ ಮಾತನಾಡಿದರು. ದೇವಾಲಯದ ಹೊರ ಭಾಗದಲ್ಲೇ ಶಿಲೆಯನ್ನು ಪೂಜಿಸಿ ಪ್ರಾರ್ಥಿಸಲಾಯಿತು. ಶ್ರೀರಾಮ ಸೇನೆಯ ರಾಜ್ಯ ಕಾರ್ಯಾಧ್ಯಕ್ಷ ಗಂಗಾಧರ ಕುಲಕರ್ಣಿ , ಜಿಲ್ಲಾಅಧ್ಯಕ್ಷ ಜಯಂತ ನಾಯ್ಕ ಮತ್ತು ಸ್ಥಳೀಯ ಘಟಕದ ಪದಾಧಿಕರಿಗಳು ಸದಸ್ಯರು ಉಪಸ್ಥಿತರಿದ್ದರು. ಇಲ್ಲಿನ ರಾಮಚಂದ್ರಾಪುರ ಮೂಲಮಠ ಅಶೋಕೆಗೆ ಭೇಟಿ ನೀಡಿದರು.

ಯಲ್ಲಾಪುರ:
ಅಯೋಧ್ಯೆಯಲ್ಲಿನಡೆಯಲಿರುವ ಶ್ರೀರಾಮಮಂದಿರದ ಶಿಲಾನ್ಯಾಸದ ಪ್ರಯುಕ್ತ ಶ್ರೀರಾಮ ಸೇನೆಯ ನೇತೃತ್ವದಲ್ಲಿಹನುಮಂತನ ಜನ್ಮ ಸ್ಥಳವಾದ ಅಂಜನಾದ್ರಿಯ ಪವಿತ್ರ ಮೃತ್ತಿಕೆ ಹಾಗೂ ಶ್ರೀರಾಮನು ತಪಸ್ಸನ್ನಾಚರಿಸಿದ ಪ್ರದೇಶದ ಚಕ್ರತೀರ್ಥದ ಜಲವನ್ನು , ಬೆಳ್ಳಿಯ ಲೇಪನದ ಶಿಲೆಯನ್ನು ರಾಮನ ಜನ್ಮಸ್ಥಳವಾದ ಅಯೋಧ್ಯೆಗೆ ಕೊಂಡೊಯ್ಯಲಾಗುತ್ತಿದೆ ಎಂದು ಶ್ರೀರಾಮ ಸೇನೆಯ ಅಧ್ಯಕ್ಷ ಪ್ರಮೋದ ಮುತಾಲಿಕ ಹೇಳಿದರು.

ಪಟ್ಟಣದ ಜೋಡುಕೆರೆ ಆಂಜನೇಯ ದೇವಾಲಯದ ಆವರಣದಲ್ಲಿಗುರುವಾರ ನಡೆದ ಶಿಲಾ ಪೂಜನ ಕಾರ್ಯಕ್ರಮದಲ್ಲಿಅವರು ಮಾತನಾಡಿದರು. ಅ. 5 ರಂದು ನಡೆಯಲಿರುವ ಶ್ರೀರಾಮ ಮಂದಿರದ ಶಿಲಾನ್ಯಾಸ ಸಂದರ್ಭವು ಹಿಂದೂಗಳಿಗೆ ಐತಿಹಾಸಿಕ ಸಂಭ್ರಮದ ದಿನವಾಗಿದೆ ಎಂದರು.

ಶ್ರೀರಾಮ ಸೇನೆಯ ಪ್ರಮುಖರಾದ ಗಂಗಾಧರ ಕುಲಕರ್ಣಿ, ಸ್ಥಳೀಯ ಪ್ರಮುಖರಾದ ಪ್ರಮೋದ ಹೆಗಡೆ, ಗೋಪಾಲಕೃಷ್ಣ ಗಾಂವ್ಕಾರ್‌, ಬಾಬು ಬಾಂದೇಕರ್‌,ನಾರಾಯಣ ಭಟ್ಟ ಮುಂತಾದವರು ಇದ್ದರು.