ತಂಬಾಕು ಉತ್ಪನ್ನ ಅಂಗಡಿಗಳ ಮೇಲೆ ದಾಳಿ

ಕಾರವಾರ : ನಗರದಲ್ಲಿ ತಂಬಾಕು ಉತ್ಪನ್ನಗಳನ್ನು ಮಾರಾಟ ಮಾಡುವ 40ಕ್ಕೂ ಹೆಚ್ಚು ಅಂಗಡಿಗಳ ಮೇಲೆ ಶುಕ್ರವಾರ ದಿಢೀರ್‌ ದಾಳಿ ನಡೆಸಿದ ಉಪ ತಹಸೀಲ್ದಾರ 76 ಪ್ರಕರಣಗಳನ್ನು ದಾಖಲಿಸಿ 13,400 ರೂ. ದಂಡ ವಿಧಿಸಿದರು.

ತಂಬಾಕು ಕಾಯ್ದೆ 2003ರ ಅಡಿಯಲ್ಲಿ ಉಪ ತಹಸೀಲ್ದಾರ ಶ್ರೀದೇವಿ ಭಟ್‌ ನೇತೃತ್ವದಲ್ಲಿ ಜಿಲ್ಲಾ ತಂಬಾಕು ನಿಯಂತ್ರಣ ಕೋಶ ಹಾಗೂ ತಾಲೂಕು ತಂಬಾಕು ತನಿಖಾ ದಳದವರು ದಾಳಿ ನಡೆಸಿದರು. ಸರಿಯಾಗಿ ಸೂಚನಾ ಫಲಕಗಳನ್ನು ಅಳವಡಿಸದ, ನಿಯಮಗಳನ್ನು ಉಲ್ಲಂಘಿಸಿದ ಅಂಗಡಿಕಾರರ ವಿರುದ್ಧ ಸೆಕ್ಷ ನ್‌ 4ರ ಅಡಿಯಲ್ಲಿ ಒಟ್ಟು 52 ಪ್ರಕರಣ ದಾಖಲಿಸಿ 8600 ರೂ. ಮತ್ತು ಸೆಕ್ಷ ನ್‌ 6ಎ ಅಡಿಯಲ್ಲಿ 24 ಪ್ರಕರಣ ದಾಖಲಿಸಿ 4800 ರೂ. ದಂಡ ವಿಧಿಸಿದರು. ಈ ಸಂದರ್ಭದಲ್ಲಿ ತಂಬಾಕು ಮಾರಾಟದ ಕುರಿತಾದ ಕಾನೂನು ಉಲ್ಲಂಘಿಸಿದರೆ ವಿಧಿಸಲ್ಪಡುವ ದಂಡದ ಬಗ್ಗೆ ಸೂಚನಾ ಫಲಕಗಳನ್ನು ವಿತರಿಸಲಾಯಿತು.