ಕಳ್ಳತನಕ್ಕೆ ಯತ್ನ: ದೂರು ದಾಖಲು

ಯಲ್ಲಾಪುರ : ರಾತ್ರಿ ವೇಳೆ ಮನೆಯ ಹೆಂಚು ತೆಗೆದು ಕಳ್ಳತನ ಮಾಡಲು ಯತ್ನಿಸಿದ ಕುರಿತು ಶನಿವಾರ ಯಲ್ಲಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಗುರುವಾರ ರಾತ್ರಿ 11 ಗಂಟೆಯ ಸುಮಾರಿಗೆ ಆರೋಪಿ ಸಂಜಯ ಸೈಮನ್‌ ಫರ್ನಾಂಡೀಸ್‌ ತೇಲಂಗಾರ ಈತನು ತೆಲಂಗಾರ ಸಮೀಪದ ಮತ್ತಿಹಕ್ಕಲ ಅಂಗನವಾಡಿ ಸಹಾಯಕಿ ವೀಣಾ ರಾಜೇಶ ನಾಯ್ಕ ಅವರ ತೇಲಂಗಾರದಲ್ಲಿರುವ ಬಾಡಿಗೆ ಮನೆಯ ಹಂಚು ತೆಗೆದು ಒಳಗೆ ಇಳಿದು ಕಳ್ಳತನ ಮಾಡಲು ಪ್ರಯತ್ನಿಸಿರುವುದಾಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.