ಬಚ್ಪನ್‌ ಶಾಲೆಯ ಮಕ್ಕಳ ಕ್ರೀಡಾಕೂಟ

ಕಾರವಾರ: ಇಲ್ಲಿನ ಬಚ್ಪನ್‌ ಪೂರ್ವ ಪ್ರಾಥಮಿಕ ಶಾಲೆಯ ಪುಟಾಣಿ ಮಕ್ಕಳಿಗೆ ಮಾಲಾದೇವಿ ಕ್ರೀಡಾಂಗಣದಲ್ಲಿಸೋಮವಾರ ವಾರ್ಷಿಕ ಕ್ರೀಡಾ ಕೂಟ ಏರ್ಪಡಿಸಲಾಗಿತ್ತು.

ಓಟ, ಜಿಗಿತ ಮೊದಲಾದ ಸ್ಪರ್ಧೆಗಳಲ್ಲಿಉತ್ಸಾಹದಿಂದ ಮಕ್ಕಳು ಪಾಲ್ಗೊಂಡು ಸಂಭ್ರಮಿಸಿದರು. ಕ್ರೀಡಾಕೂಟವನ್ನು ರೋಟರಿ ಕ್ಲಬ್‌ ಅಧ್ಯಕ್ಷ ನಾಗರಾಜ್‌ ಜೋಶಿ ಉದ್ಘಾಟಿಸಿದರು. ಇನ್ನರ್‌ವೀಲ್‌ ಕ್ಲಬ್‌ ಅಧ್ಯಕ್ಷೆ ಸುಜಾತ ಜೋಶಿ, ಲಾಯನ್ಸ್‌ ಕ್ಲಬ್‌ ಅಧ್ಯಕ್ಷ ಸಾದೀಖ್‌ ಶೇಖ್‌, ಮುಖ್ಯಾಧ್ಯಾಪಕಿ ಅರ್ಪಿತಾ ನಾಯಕ, ಡಾ. ಸಮೀರಕುಮಾರ ನಾಯಕ, ಡಾ. ಸಂಜು ನಾಯಕ ಇತರರು ಇದ್ದರು. ಶಿಕ್ಷಕಿ ದೀಪ್ತಿ ಸ್ವಾಗತಿಸಿದರು. ಶಿಕ್ಷಕಿಯರಾದ ನಾಗರತ್ನ ಬಿಣಗಾ ಪಥಸಂಚಲನವನ್ನು, ಶ್ವೇತಾ ಮುದಗೇಕರ್‌ ಹಾಗೂ ಯಾಸ್ಮೀನ್‌ ಕ್ರೀಡಾ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು. ಸ್ವಾತಿ ಬಾಂದೇಕರ್‌ ನಿರೂಪಿಸಿದರು.