ಬೈಕ್‌-ಟಿಪ್ಪರ್‌ ಡಿಕ್ಕಿ: ಯುವಕ ಸಾವು

ಸಿದ್ದಾಪುರ : ಶಿರಸಿ-ಸಿದ್ದಾಪುರ ರಸ್ತೆಯ ಕಾಳೇನಹಳ್ಳಿ ಸಮೀಪ ಬುಧವಾರ ಬೆಳಗ್ಗೆ ನಡೆದ ಬೈಕ್‌-ಟಿಪ್ಪರ್‌ ಡಿಕ್ಕಿಯಲ್ಲಿ ಯುವಕನೊಬ್ಬ ಸ್ಥಳದಲ್ಲೇ ಅಸುನೀಗಿದ್ದಾರೆ.

ಸಮಾಜ ಕಲ್ಯಾಣ ಇಲಾಖೆಯ ವಸತಿ ನಿಲಯದ ಸಹಶಿಕ್ಷ ಕ ಉಲ್ಲಾಸ ಬೈಲೂರು(32) ಸಾವಿಗೀಡಾದ ವ್ಯಕ್ತಿ. ಶಿರಸಿಯಿಂದ ಬರುತ್ತಿದ್ದ ಉಲ್ಲಾಸ ಅವರ ಬೈಕ್‌ಗೆ ಸಿದ್ದಾಪುರ ಕಡೆಯಿಂದ ಮರಳು ತುಂಬಿಕೊಂಡು ಹೋಗುತ್ತಿದ್ದ ಟಿಪ್ಪರ್‌ ಡಿಕ್ಕಿ ಹೊಡೆದ ರಭಸಕ್ಕೆ ದೇಹ ಛಿದ್ರವಾಗಿದೆ. ವಸತಿ ನಿಲಯದ ಶಿಕ್ಷ ಕರಾಗಿ ಉತ್ತಮ ಕೆಲಸ ನಿರ್ವಹಿಸುತ್ತಿದ್ದ ಇವರು ಉತ್ತಮ ವಾಗ್ಮಿ, ಸಾಮಾಜಿಕ ಚಟುವಟಿಕೆಯಲ್ಲಿ ಮಂಚೂಣಿಯಲ್ಲಿ ಇದ್ದರು.

ಸಿದ್ದಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಎಎಸ್‌ಐ ದತ್ತಾತ್ರೇಯ ನಾಯ್ಕ ತನಿಖೆ ನಡೆಸುತ್ತಿದ್ದಾರೆ ಎಂದು ಪೊಲೀಸ್‌ರು ತಿಳಿಸಿದ್ದಾರೆ.