ದೋಣಿ ಮುಗುಚಿ ಮೀನುಗಾರ ಸಾವು

ಹೊನ್ನಾವರ: ತಾಲೂಕಿನ ಪಾವಿನಕುರ್ವಾ ಸಮುದ್ರದಲ್ಲಿ ದೋಣಿ ಮಗುಚಿ ಬಿದ್ದು ಮೀನು ಹಿಡಿಯಲು ಹೋದ ಮೀನುಗಾರ ಮೃತ ಪಟ್ಟಿದ್ದಾರೆ.

ಕಾಸರಕೋಡ ಟೊಂಕಾದ ಮಹ್ಮದ ತನ್ವೀರ್‍ ಅಯೂಬ್‌ ಬುಡ್ಡೆ (30) ಮೃತ ವ್ಯಕ್ತಿ. ಇವರು ಅಲ್ತಾಫ್‌ ಹುಸೇನ್‌ ಶೇಖ( 24) ಎಂಬುವವರ ಜತೆ ಶನಿವಾರ ಮೀನು ಹಿಡಿಯಲು ಸಣ್ಣ ದೋಣಿಯಲ್ಲಿ ಸಮುದ್ರಕ್ಕೆ ಹೋಗಿದ್ದರು. ಅಲ್ತಾಫ್‌ ಹುಸೇನ್‌ ಶೇಖ ಈಜಿ ಪಾರಾಗಿದ್ದಾರೆ.

ದೋಣಿ ಮಗುಚಿ ಮಹ್ಮದ ತನ್ವೀರ್‍ ಸಮುದ್ರದಲ್ಲಿ ಮುಳುಗಿ ಕಾಣೆಯಾದಾಗ ಪೊಲೀಸರು ಹಾಗೂ ಮೀನುಗಾರರು ಸೇರಿ ಹುಡುಕಾಟ ನಡೆಸಿದ್ದು, ರವಿವಾರ ಮೃತದೇಹ ಪತ್ತೆಯಾಗಿದೆ. ಘಟನೆಯ ಕುರಿತು ಹೊನ್ನಾವರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.