ಇಡಗುಂದಿ ಬಳಿ ಕಾರು ಡಿಕ್ಕಿಯಿಂದ ರಸ್ತೆ ಪಕ್ಕಕ್ಕೆ ವಾಲಿದ ಬಸ್; ಅದೃಷ್ಟವಶಾತ್ ಪಾರಾದ ಪ್ರಯಾಣಿಕರು!

ಕಾರವಾರ: ಕಾರು ಚಾಲಕನ ನಿರ್ಲಕ್ಷ್ಯದಿಂದಾಗಿ ಸಾರಿಗೆ ಬಸ್ಸೊಂದು ರಸ್ತೆ ಪಕ್ಕಕ್ಕೆ ವಾಲಿ, ಅದೃಷ್ಟವಶಾತ್ ಹೆಚ್ಚಿನ ಅಪಾಯದಿಂದ ಪ್ರಯಾಣಿಕರು ಪಾರಾದ ಘಟನೆ ನಡೆದಿದೆ.

ಅಂಕೋಲಾ ಘಟಕಕ್ಕೆ ಸೇರಿದ ಸಾರಿಗೆ ಬಸ್ ಗೆ ಯಲ್ಲಾಪುರ ತಾಲೂಕಿನ ಇಡಗುಂದಿ ಆರ್ತಿಬೈಲ್ ಬಳಿ ವೇಗದಲ್ಲಿ ಬಂದ ಬೆಂಗಳೂರು ನೋಂದಣಿಯ ಕಾರು ಡಿಕ್ಕಿಯಾಗಿದೆ. ಪರಿಣಾಮ ಕಾರು ಹಾಗೂ ಬಸ್ ನ ಮುಂಭಾಗ ಜಖಂ ಆಗಿದ್ದು, ಡಿಕ್ಕಿಯಿಂದಾಗಿ ಚಾಲಕನ ನಿಯಂತ್ರಣ ತಪ್ಪಿದ ಬಸ್ ರಸ್ತೆ ಪಕ್ಕಕ್ಕೆ ವಾಲಿದೆ.
ರಸ್ತೆ ಪಕ್ಕದಲ್ಲಿ ಜಾಹೀರಾತು ಕಂಬವೊಂದು ಇದ್ದಿದ್ದರಿಂದ ಬಸ್ ಅದಕ್ಕೆ ತಾಗಿಕೊಂಡು ವಾಲಿ ನಿಂತಿದೆ. ಜಾಹೀರಾತು ಕಂಬ ಇಲ್ಲದಿದ್ದರೆ ಬಸ್ ಹೊಂಡಕ್ಕೆ ಬೀಳುವ ಸಾಧ್ಯತೆ ಇತ್ತು. ಡಿಕ್ಕಿಯ ರಭಸದಿಂದಾಗಿ ಬಸ್ ಹಾಗೂ ಕಾರಿನಲ್ಲಿದ್ದವರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಸ್ಥಳಕ್ಕಾಗಮಿಸಿದ ಪೊಲೀಸರು ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ.