ಸ್ಮಶಾನ ಜಾಗ ತೆರವು

ಗೋಕರ್ಣ :ಹತ್ತಿರದ ನಾಡುಮಾಸ್ಕೇರಿ ಗ್ರಾಮದಲ್ಲಿ ಖಾಸಗಿಯವರು ಅತಿಕ್ರಮಣ ಮಾಡಿದ ಸ್ಮಶಾನ ಜಾಗದ ತೆರವು ಕಾರ್ಯಾಚರಣೆ ಬುಧವಾರ ಬೆಳಗಿನಿಂದ ನಡೆಯಿತು.

ಸುಮಾರು 2 ಎಕರೆ 20 ಗುಂಟೆ ಜಾಗದಲ್ಲಿ ಬೇರೆ ಬೇರೆ ಸಮಾಜದವರ 7 ಪ್ರತ್ಯೇಕ ಸ್ಮಶಾನಕ್ಕಾಗಿ ಮೀಸಲಿಡಲು ರೆವೆನ್ಯೂ ಖಾತೆಯವರು ಗ್ರಾ.ಪಂ. ಅಧ್ಯಕ್ಷ, ಉಪಾಧ್ಯಕ್ಷ ಹಾಗೂ ಪಿಡಿಒ ಹಾಗೂ ಗೋಕರ್ಣದ ಪೊಲೀಸರ ನೇತೃತ್ವದಲ್ಲಿ ತೆರವು ಕಾರ್ಯಾಚರಣೆ ನಡೆಯಿತು. ಈ ಕುರಿತು ಉಪತಸೀಲ್ದಾರ ಯಶೋಧಾ ಲಕ್ಕುಮನೆ ಅವರನ್ನು ವಿಚಾರಿಸಿದಾಗ ಗೋಮಾಳ ಜಾಗವನ್ನು ಬಿಟ್ಟು ಸ್ಮಶಾನ ಜಾಗವನ್ನು ಮಾತ್ರ ತೆರವು ಗೊಳಿಸುತ್ತಿದ್ದೇವೆ. ಆದರೆ ನಾಡುಮಾಸ್ಕೇರಿಯ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಗೋಮಾಳ ಹಾಗೂ ಸ್ಮಶಾನ ಜಾಗ ಸೇರಿ 21 ಎಕರೆಗೂ ಅಧಿಕ ಸರಕಾರಿ ಗೋಮಾಳ ಇರುವ ಬಗ್ಗೆ ಅಧಿಕೃತ ದಾಖಲೆಗಳಿವೆ. ನಾಡು ಮಾಸ್ಕೇರಿ ಗೋಮಾಳದಲ್ಲಿ ಇನ್ನೊಮ್ಮೆ ನಾವು ಸರ್ವೇ ಕಾರ್ಯ ನಡೆಸುತ್ತೇವೆ ಎಂದು ತಿಳಿಸಿದರು.