ಚಂದನ್‌ ಹಾಡಿಗೆ ಹುಚ್ಚೆದ್ದು ಕುಣಿದ ಜನ

ಅಂಕೋಲಾ : ಕರ್ನಾಟಕದ ಬಾರ್ಡೋಲಿ ಕರಾವಳಿಯ ನಗರಿ ಅಂಕೋಲಾದಲ್ಲಿ, ಅಂಕೋಲಾ ಉತ್ಸವದ ಕಲರವ ಮೇಳೈಸಿದೆ.

ಮೂರನೇ ವರ್ಷದಲ್ಲಿ ಸಂಗಾತಿ ರಂಗಭೂಮಿ ಆಶ್ರಯದಲ್ಲಿ ನಡೆಯುತ್ತಿರುವ ಎಂಟು ದಿನಗಳ ಕಾಲ ನಡೆಯುವ ಅಂಕೋಲಾ ಉತ್ಸವ ಕಾರ್ಯಕ್ರಮಕ್ಕೆ ಗುರುವಾರ ರಾತ್ರಿ ಚಾಲನೆ ದೊರೆಯಿತು. ಉತ್ಸವದ ಹಿನ್ನೆಲೆಯಲ್ಲಿ ಮೊದಲ ದಿನ ನಡೆದ ಕಾರ್ಯಕ್ರಮದಲ್ಲಿ ಕನ್ನಡದ ರಾರ‍ಯಪರ್‌ ಚಂದನ್‌ ಶೆಟ್ಟಿ ಜನರನ್ನ ಹುಚ್ಚೆಬ್ಬಿಸಿ ಕುಣಿಸಿದರು.

ಒಂದೆಡೆ ಕಿಕ್ಕಿರಿದು ಸೇರಿರುವ ಜನಸಮೂಹ, ಇನ್ನೊಂದೆಡೆ ಜನರ ನಡುವಿನ ವೇದಿಕೆಯಲ್ಲಿ ಹಾಡುತ್ತಾ ಜನರನ್ನ ಎಂಜಾಯ್‌ ಮಾಡಿಸ್ತಾ ಇರೋ ರಾರ‍ಯಪರ್‌ ಚಂದನ್‌ ಶೆಟ್ಟಿ, ಇನ್ನೊಂದೆಡೆ ಚಂದನ್‌ ಶೆಟ್ಟಿ ಹಾಡಿಗೆ ಹುಚ್ಚೆದ್ದು ಕುಣಿದು ಜನತೆ ಸಂಭ್ರಮ ಪಟ್ಟರು.

ಚಂದನ್‌ ಶೆಟ್ಟಿಯವರ ಮೂರೇ ಮೂರು ಪೆಗ್ಗೆಗಿ, ಚಾಕಲೇಟ್‌ ಗರ್ಲ್‌ ಇವಳು, ಗಂಗವ್ವ ನೀರು ತಾರವ್ವ ಸೇರಿದಂತೆ ಹಲವು ಹಾಡುಗಳಿಗೆ ಜನರನ್ನ ಕುಣಿದು ಕುಪ್ಪಳಿಸಿದರು.