ಆ್ಯಪ್ನಗರ

ಲೋಕಾಯುಕ್ತಕ್ಕೆ ದೂರು

​ಕಾರವಾರ : ತಾಲೂಕಿನ ಘಾಡಸಾಯಿಯ ಅವರ್‌ ಲೇಡಿ ಆಫ್‌ ಪಿಯೇಟಿ ಚರ್ಚ್‌ನ ದುರಸ್ತಿ ಕಾಮಗಾರಿ ಹೆಸರಿನಲ್ಲಿ ಸರಕಾರದಿಂದ ಅನುದಾನ ಪಡೆದು ದುರ್ಬಳಕೆ ಮಾಡಲಾಗಿದೆ ಎಂದು ಮಾಜಿ ಸೈನಿಕ ಮಿನಿನ್‌ ಕಿಸ್ತು ಫರ್ನಾಂಡಿಸ್‌ ಎಂಬುವವರು ಚರ್ಚ್‌ನ ಫಾದರ್‌, ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆಯ ಜಿಲ್ಲಾ ಅಧಿಕಾರಿ ಮತ್ತು ಲೋಕೋಪಯೋಗಿ ಇಲಾಖೆಯ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‌ ವಿರುದ್ಧ ಲೋಕಾಯುಕ್ತಕ್ಕೆ ದೂರು ಸಲ್ಲಿಸಿದ್ದಾರೆ.

Vijaya Karnataka 1 Aug 2019, 5:00 am
ಕಾರವಾರ : ತಾಲೂಕಿನ ಘಾಡಸಾಯಿಯ ಅವರ್‌ ಲೇಡಿ ಆಫ್‌ ಪಿಯೇಟಿ ಚರ್ಚ್‌ನ ದುರಸ್ತಿ ಕಾಮಗಾರಿ ಹೆಸರಿನಲ್ಲಿ ಸರಕಾರದಿಂದ ಅನುದಾನ ಪಡೆದು ದುರ್ಬಳಕೆ ಮಾಡಲಾಗಿದೆ ಎಂದು ಮಾಜಿ ಸೈನಿಕ ಮಿನಿನ್‌ ಕಿಸ್ತು ಫರ್ನಾಂಡಿಸ್‌ ಎಂಬುವವರು ಚರ್ಚ್‌ನ ಫಾದರ್‌, ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆಯ ಜಿಲ್ಲಾ ಅಧಿಕಾರಿ ಮತ್ತು ಲೋಕೋಪಯೋಗಿ ಇಲಾಖೆಯ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‌ ವಿರುದ್ಧ ಲೋಕಾಯುಕ್ತಕ್ಕೆ ದೂರು ಸಲ್ಲಿಸಿದ್ದಾರೆ.
Vijaya Karnataka Web complaint to lokayukta
ಲೋಕಾಯುಕ್ತಕ್ಕೆ ದೂರು


ಈ ಚರ್ಚ್‌ ನಿರ್ಮಾಣವಾಗಿ ಕೇವಲ 12 ವರ್ಷವಾಗಿದ್ದು, ರಿಪೇರಿ ಅಗತ್ಯವೇ ಇರಲಿಲ್ಲ. ಆದರೆ ಕಾಮಗಾರಿಗೆ 50 ಲಕ್ಷ ರೂ. ಮಂಜೂರಿಯಾಗಿದೆ. 37 ಲಕ್ಷ ರೂ. ಈಗಾಗಲೇ ಬಿಡುಗಡೆಯಾಗಿದೆ. ಈ ಹಣದಲ್ಲಿ 34,06,012 ರೂ.ಗಳನ್ನು ರಿಪೇರಿಗೆ ಬಳಸಲಾಗಿದೆ ಎಂದು ಲೋಕೋಪಯೋಗಿ ಇಲಾಖೆಯ ಎಂಜಿನಿಯರ್‌ ಪ್ರಮಾಣಪತ್ರ ನೀಡಿದ್ದಾರೆ. ಆದರೆ ವಾಸ್ತವದಲ್ಲಿ ಇಷ್ಟು ಮೊತ್ತದ ಹಣ ಬಳಕೆಯಾಗಿದ್ದು ಕಾಣುವುದಿಲ್ಲ ಎಂದು ಫರ್ನಾಂಡಿಸ್‌ ಅನುಮಾನ ವ್ಯಕ್ತಪಡಿಸಿದ್ದಾರೆ.

ಹೆವಿ ಡ್ಯೂಟಿ ಪೇವರ್‌ಗಳನ್ನು ಅಳವಡಿಸಲು 18 ಲಕ್ಷ ರೂ. ವೆಚ್ಚವಾಗಿದೆ ಎಂದು ಬಿಲ್‌ನಲ್ಲಿ ನಮೂದಿಸಲಾಗಿದೆ. ಆದರೆ ವಾಸ್ತವದಲ್ಲಿ ಇಷ್ಟು ಮೊತ್ತದ ನೆಲಹಾಸು ಅಳವಡಿಸಿದ್ದು ಕಂಡುಬಂದಿಲ್ಲ ಎಂದು ಅನುಮಾನ ವ್ಯಕ್ತಪಡಿಸಿದ್ದಾರೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ