ಉತ್ತರ ಕನ್ನಡ: ಒಂದೇ ದಿನ 81 ಕೊರೊನಾ ಪಾಸಿಟಿವ್‌

ಕಾರವಾರ : ಸರಕಾರಿ ಆಸ್ಪತ್ರೆಯೊಂದರ ವೈದ್ಯ ಸೇರಿದಂತೆ ಜಿಲ್ಲೆಯಲ್ಲಿಸೋಮವಾರ ಒಂದೇ ದಿನ 81 ಜನರಲ್ಲಿಕೊರೊನಾ ಸೋಂಕು ಪತ್ತೆಯಾಗಿದ್ದು ಆತಂಕಕ್ಕೆ ಕಾರಣವಾಗಿದೆ.

ಭಟ್ಕಳದಲ್ಲಿ ತಾಲೂಕು ಆಸ್ಪತ್ರೆಯ 49 ವರ್ಷದ ವೈದ್ಯ, ಖಾಸಗಿ ಆಸ್ಪತ್ರೆಯ 40 ವರ್ಷದ ಸಿಬ್ಬಂದಿ, ಅದೇ ಖಾಸಗಿ ಆಸ್ಪತ್ರೆಯ ಔಷಧ ಅಂಗಡಿಯ ಸಿಬ್ಬಂದಿ ಸೇರಿದಂತೆ ಒಟ್ಟು 45 ಜನರಲ್ಲಿ ಸೋಮವಾರ ಸೋಂಕು ದೃಢಪಟ್ಟಿದೆ.

ಉಳಿದಂತೆ ಕುಮಟಾದಲ್ಲಿ 20, ಹೊನ್ನಾವರ 9, ಯಲ್ಲಾಪುರ 1, ಶಿರಸಿ 1 ಹಾಗೂ ಕಾರವಾರದ 5 ಜನರಲ್ಲಿ ಸೋಂಕು ದೃಢಪಟ್ಟಿದೆ. ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 435ಕ್ಕೆ ಏರಿಕೆಯಾಗಿದೆ.

ಈ ಪೈಕಿ 165 ಸೋಂಕಿತರು ಈಗಾಗಲೇ ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದಾರೆ. 269 ಸಕ್ರಿಯ ಸೋಂಕಿತರಿದ್ದು ಚಕಿತ್ಸೆ ಪಡೆಯುತ್ತಿದ್ದಾರೆ. ಇಬ್ಬರು ಸೋಂಕಿತರು ನಿಧನರಾಗಿದ್ದಾರೆ.