ಮಧುಮೇಹ ಜಾಗೃತಿಗೆ ಸೈಕಲ್‌ ಜಾಥಾ

ಭಟ್ಕಳ : ಮಧುಮೇಹ ಜಾಗೃತಿ ಕಾರ್ಯಕ್ರಮದ ಅಂಗವಾಗಿ ಮುರುಡೇಶ್ವರ ಲಯನ್ಸ್‌ ಕ್ಲಬ್‌ ವತಿಯಿಂದ ಮುರ್ಡೇಶ್ವರ ದೇವಸ್ಥಾನದಿಂದ ಅಳ್ವೆಕೋಡಿ ದೇವಸ್ಥಾನದವರೆಗೆ ಸೈಕಲ್‌ ಜಾಥಾ ನಡೆಯಿತು.

ಲಯನ್‌ ಡಾ.ಮಂಜುನಾಥ ಶೆಟ್ಟಿ ಮಾತನಾಡಿ, ಮಧುಮೇಹದ ಬಗ್ಗೆ ವಿಶೇಷ ಕಾಳಜಿ ಅಗತ್ಯವಾಗಿದೆ. ಮಧುಮೇಹದ ಬಗ್ಗೆ ನಿರ್ಲಕ್ಷ ್ಯ ವಹಿಸಿದರೆ ಗಂಭೀರವಾದ ಪರಿಣಾಮವನ್ನು ಎದುರಿಸಬೇಕಾಗುತ್ತದೆ ಎಂದರು. ಲಯನ್‌ ಎಂ.ವಿ.ಹೆಗಡೆ ಮಾತನಾಡಿ, ಮಧುಮೇಹದ ನಿಯಂತ್ರಣಕ್ಕೆ ನಾವು ನಮ್ಮ ಜೀವನ ಶೈಲಿಯನ್ನು ಬದಲಾಯಿಸಿಕೊಳ್ಳುವುದು ಅತ್ಯಗತ್ಯವಾಗಿದೆ. ಹದಗೆಟ್ಟ ಆಹಾರ ಪದ್ಧತಿ ಮಧುಮೇಹಕ್ಕೆ ಕಾರಣವಾಗುತ್ತಿದ್ದು, ಸಾಮಾನ್ಯ ಜನರಿಗೆ ತಿಳಿ ಹೇಳುವ ಕೆಲಸ ಆಗಬೇಕಾಗಿದೆ ಎಂದರು. ಡಾ.ಆರ್‌.ವಿ.ಸರಾಫ್‌ ಮಾತನಾಡಿದರು. ಲಯನ್ಸ್‌ ಕ್ಲಬ್‌ ಸದಸ್ಯರಾದ ಡಾ.ವಾದಿರಾಜ ಭಟ್ಟ, ಡಾ.ಸುನಿಲ್‌ ಜತನ್‌, ಮಂಜುನಾಥ ದೇವಾಡಿಗ, ಶಿವಾನಂದ ದೈಮನೆ, ರಾಜು ಮೋಗೇರ್‌, ಜಗದೀಶ ಜೈನ್‌ ಮುಂತಾದವರು ಉಪಸ್ಥಿತರಿದ್ದರು.