ನೆರೆ ರಾಷ್ಟ್ರೀಯ ವಿಪತ್ತಾಗಿ ಘೋಷಿಸಿ

ಯಲ್ಲಾಪುರ : ರಾಜ್ಯದಲ್ಲಿಉಂಟಾದ ನೆರೆ ಹಾವಳಿಯಿಂದಾಗಿ ಅಪಾರ ಪ್ರಮಾಣದಲ್ಲಿನಷ್ಟ ಉಂಟಾಗಿದ್ದು, ಇದನ್ನು ರಾಷ್ಟ್ರೀಯ ವಿಪತ್ತೆಂದು ಘೋಷಿಸಿ, 5000 ಕೋಟಿ ರೂ. ಪರಿಹಾರ ನೀಡಬೇಕೆಂದು ಆಗ್ರಹಿಸಿ ಬ್ಲಾಕ್‌ ಕಾಂಗ್ರೆಸ್‌ ಘಟಕದ ವತಿಯಿಂದ ತಹಸೀಲ್ದಾರ ಡಿ.ಜಿ.ಹೆಗಡೆ ಅವರ ಮೂಲಕ ಕೇಂದ್ರ ಸರಕಾರಕ್ಕೆ ಮನವಿ ಸಲ್ಲಿಸಲಾಯಿತು.

ರಾಜ್ಯದ 22 ಜಿಲ್ಲೆಗಳ 103 ತಾಲೂಕುಗಳಲ್ಲಿಅಪಾರ ಹಾನಿ ಉಂಟಾಗಿದೆ. ತಕ್ಷಣ ಕೇಂದ್ರ ಸರಕಾರ ಪರಿಹಾರದ ಹಣ ಬಿಡುಗಡೆ ಮಾಡಬೇಕೆಂದು ಕಾಂಗ್ರೆಸ್‌ ಮುಖಂಡರು ಒತ್ತಾಯಿಸಿದರು.

ಈ ವೇಳೆ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಡಿ.ಎನ್‌. ಗಾಂವ್ಕಾರ, ಡಿಸಿಸಿ ಸದಸ್ಯ ಟಿ.ಸಿ. ಗಾಂವ್ಕಾರ, ಪ್ರಮುಖರಾದ ಆರ್‌.ಎನ್‌. ಹೆಗಡೆ ಗೋರ್ಸಗದ್ದೆ, , ಉಲ್ಲಾಸ ಶಾನಭಾಗ, ಎನ್‌. ಕೆ. ಭಟ್ಟ ಮೆಣಸುಪಾಲ, ಎಸ್‌.ಎಂ. ಭಟ್ಟ, ಗಜಾನನ ಭಟ್ಟ ಜಡ್ಡಿ, ಮಹಮ್ಮದ್‌ ಗೌಸ್‌, ಎಂ.ಎಂ. ಶೇಖ್‌, ಅಸದ್‌ ಖಾನ್‌ ಮುಂತಾದವರು ಇತರರಿದ್ದರು.