ಆ್ಯಪ್ನಗರ

ಲಕ್ಷ ತುಳಸಿ ಅರ್ಚನೆ ಮಾಡಿದ ಭಕ್ತರು

ಯಲ್ಲಾಪುರ : ಆಷಾಡ ಏಕಾದಶಿ ಪ್ರಯುಕ್ತ ತಾಲೂಕಿನ ಅಣಲಗಾರ್‌ ಶ್ರೀ ಗೋಪಾಲಕೃಷ್ಣ ದೇವಾಲಯದಲ್ಲಿ ಶುಕ್ರವಾರ ಲೋಕಕಲ್ಯಾಣಾರ್ಥವಾಗಿ ಲಕ್ಷ ತುಳಸಿ ಅರ್ಚನೆ ನಡೆಯಿತು. ವಿಷ್ಣು ಸಹಸ್ರನಾಮ ಪೂರ್ವಕವಾಗಿ ಶ್ರೀದೇವರಿಗೆ ನೂರಾರು ಭಕ್ತರು ಒಂದು ಲಕ್ಷ ಕ್ಕೂ ಅಧಿಕ ತುಳಸಿ ದಳಗಳನ್ನು ಸಮರ್ಪಿಸಿ ಕೃತಾರ್ಥರಾದವರು.

Vijaya Karnataka 13 Jul 2019, 5:00 am
ಯಲ್ಲಾಪುರ : ಆಷಾಡ ಏಕಾದಶಿ ಪ್ರಯುಕ್ತ ತಾಲೂಕಿನ ಅಣಲಗಾರ್‌ ಶ್ರೀ ಗೋಪಾಲಕೃಷ್ಣ ದೇವಾಲಯದಲ್ಲಿ ಶುಕ್ರವಾರ ಲೋಕಕಲ್ಯಾಣಾರ್ಥವಾಗಿ ಲಕ್ಷ ತುಳಸಿ ಅರ್ಚನೆ ನಡೆಯಿತು. ವಿಷ್ಣು ಸಹಸ್ರನಾಮ ಪೂರ್ವಕವಾಗಿ ಶ್ರೀದೇವರಿಗೆ ನೂರಾರು ಭಕ್ತರು ಒಂದು ಲಕ್ಷ ಕ್ಕೂ ಅಧಿಕ ತುಳಸಿ ದಳಗಳನ್ನು ಸಮರ್ಪಿಸಿ ಕೃತಾರ್ಥರಾದವರು.
Vijaya Karnataka Web KWR-12 YLP 3


ಈ ಸಂದರ್ಭದಲ್ಲಿ ನಡೆದ ಧಾರ್ಮಿಕ ಕಾರ್ಯಕ್ರಮಗಳ ನೇತೃತ್ವ ವಹಿಸಿದ್ದ ಸ್ವರ್ಣವಲ್ಲೀ ಸಂಸ್ಥಾನದ ಮಹಾಪಾಠಶಾಲೆಯ ಅಧ್ಯಾಪಕ ಡಾ.ಶಂಕರ ಭಟ್ಟ ಬಾಲಿಗದ್ದೆ ಮಾತನಾಡಿ, ಆಷಾಢ ಏಕಾದಶಿಯನ್ನು ಶಯನೀ ಏಕಾದಶೀ ಎಂತಲೂ ಕರೆಯುತ್ತಾರೆ. ಈ ದಿನ ಮಹಾವಿಷ್ಣುವು ಯೋಗ ನಿದ್ರೆಗೆ ತೆರಳುವ ದಿನವಾಗಿದೆ. ಚರಾಚರ ಪ್ರಪಂಚದ ಸಕಲರ ಒಳಿತಿಗಾಗಿ ಮಹಾವಿಷ್ಣುವು ಜಾಗೃತಾವಸ್ಥೆಯಲ್ಲಿ ಯೋಗ ನಿದ್ರೆಗೈಯ್ಯುತ್ತಾನೆ. ಈ ದಿನವು ಅತ್ಯಂತ ಪುಣ್ಯ ಪರ್ವದ ದಿನವಾಗಿದೆ. ಶುಕ್ರವಾರ ಏಕಾದಶಿ ಪುಣ್ಯಕಾಲದಲ್ಲಿ ಪರಮಾತ್ಮನಿಗೆ ಪ್ರಿಯವಾದ ತುಳಸೀದಳಗಳನ್ನು ಶ್ರೀದೇವರಿಗೆ ಸಮರ್ಪಿಸಿ ಧನ್ಯರಾಗುವ ಕ್ಷ ಣ ಇದಾಗಿದೆ. ಲೋಕಕಲ್ಯಾಣಾರ್ಥವಾಗಿ, ಎಲ್ಲರ ಒಳಿತನ್ನು ಬಯಸಿ ಇಂತಹ ಮಹತ್ಕಾರ್ಯವನ್ನು ಈ ದೇವಾಲಯದಲ್ಲಿ ಅನೇಕ ವರ್ಷಗಳಿಂದ ನಡೆಸಿಕೊಂಡು ಬರಲಾಗಿದೆ. ಒಂದು ಲಕ್ಷ ಕ್ಕೂ ಅಧಿಕ ತುಳಸಿ ದಳಗಳಿಂದ ವಿಷ್ಣು ಸಹಸ್ರನಾಮ ಪಠಿಸುತ್ತಾ ನಡೆಸುವ ಈ ಅರ್ಚನೆಯಂದ ಎಲ್ಲರಿಗೂ ಸನ್ಮಂಗಳವಾಗಲಿ ಎಂದರು.

ಲಕ್ಷ ತುಳಸಿ ಅರ್ಚನೆಯ ಪ್ರಯುಕ್ತ ಶ್ರೀದೇವರಿಗೆ ಮಹಾಭಿಷೇಕ, ಕ್ಷೀರಾಭಿಷೇಕ ನಡೆಸಿ ವಿಶೇಷ ಅಲಂಕಾರ ಮಾಡಲಾಗಿತ್ತು. ತಾಲೂಕಿನ ವಿವಿಧ ಭಾಗಗಳಿಂದ ಆಗಮಿಸಿದ ಭಕ್ತರು ಶ್ರೀದೇವರಿಗೆ ಹಣ್ಣು-ಕಾಯಿ ಸೇವೆ ಸಮರ್ಪಿಸಿದರು.

ಗೋಪಾಲಕೃಷ್ಣ ದೇವಾಲಯದ ಆಡಳಿತ ಮಂಡಳಿಯ ಅಧ್ಯಕ್ಷ ರಾಮಕೃಷ್ಣ ಭಟ್ಟ ಬಿದ್ರೇಪಾಲ್‌, ಮೊಕ್ತೇಸರ ಗೋಪಾಲಕೃಷ್ಣ ಭಟ್ಟ ವೈದಿಕ್ರಮನೆ, ಅರ್ಚಕ ನಾರಾಯಣ ಹೆಗಡೆ, ಪ್ರಮುಖರಾದ ತಿಮ್ಮಣ್ಣ ಭಾಗ್ವತ್‌, ಜಿ.ಎನ್‌.ಭಟ್‌, ಮಹಾಬಲೇಶ್ವರ ಭಾಗ್ವತ್‌ ಮುಂತಾದವರು ಸಹಕರಿಸಿದರು.


ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ