ರೈತರಿಗೆ ತರಕಾರಿ ಬೀಜ ವಿತರಣೆ

ಹಳಿಯಾಳ : ಇಂಡೋ ಅಮೇರಿಕನ್‌ ಸೀಡ್ಸ್‌ ಕಂಪನಿಯವರು ಕೊರೊನಾ ಹಿನ್ನಲೆಯಲ್ಲಿಹಳಿಯಾಳ ದಾಂಡೇಲಿ ಮತ್ತು ಜೋಯಿಡಾದ ರೈತರಿಗೆ ಮಂಜೂರು ಮಾಡಿದ ತರಕಾರಿ ಬೀಜಗಳನ್ನು ಪಟ್ಟಣದಲ್ಲಿ ಮಂಗಳವಾರ ವಿಪ ಸದಸ್ಯ ಎಸ್‌.ಎಲ್‌.ಘೋಟ್ನೆಕರ ಅವರು ವಿತರಿಸಿದರು.

ಶ್ರೀ ವಿ.ಆರ್‌.ದೇಶಪಾಂಡೆ ಮೆಮೋರಿಯಲ್‌ ಟ್ರಸ್ಟ್‌ ಚೇರಮನ್‌ ಹಾಗೂ ಹಾಲಿ ಶಾಸಕ ಆರ್‌.ವಿ.ದೇಶಪಾಂಡೆ ಅವರ ಮನವಿಗೆ ಸ್ಪಂದಿಸಿ ಇಂಡೋ ಅಮೇರಿಕನ್‌ ಸೀಡ್ಸ್‌ ಕಂಪನಿ ಈ ಕ್ರಮ ಕೈಗೊಂಡಿದೆ. ದೇಶಪಾಂಡೆ ಆರ್‌ಸೆಟಿ ಹಾಗೂ ತೋಟಗಾರಿಕಾ ಇಲಾಖೆಯ ಸಹಯೋಗದಲ್ಲಿ ಈ ವಿತರಣೆ ಕಾರ್ಯಕ್ರಮ ನಡೆಯಿತು.

ಜಿಪಂ ಉಪಾಧ್ಯಕ್ಷ ಸಂತೋಷ ರೇಣಕೆ, ಜಿಪಂ ಸದಸ್ಯರಾದ ಕೃಷ್ಣಾ ಪಾಟೀಲ್‌. ಮಹೇಶ್ವರಿ ಮಿಶ್ಯಾಳಿ,ಕಂಪನಿಯ ಅನಿಲ್‌ ಖಾರದ, ಬಿಸಿಸಿ ಅಧ್ಯಕ್ಷ ಸುಭಾಶ ಕೋರ್ವೆಕರ, ತೋಟಗಾರಿಕಾ ನಿರ್ದೇಶಕ ಹೇರಿಯಾಲ್‌ ಹಾಜರಿದ್ದರು.