ಕೆ.ಎಲ್‌.ರಾಘವ ಅವರಿಗೆ ಡಾಕ್ಟರೇಟ್‌

ಗೋಕರ್ಣ : ಇಲ್ಲಿನ ಸಂಸ್ಕೃತ ಮಹಾವಿದ್ಯಾಲಯದ ನ್ಯಾಯ ಶಾಸ್ತ್ರ ಪ್ರಾಧ್ಯಾಪಕ ವಿದ್ವಾನ್‌ ಕೆ.ಎಲ್‌.ರಾಘವ ಅವರಿಗೆ ತಿರುಪತಿಯ ರಾಷ್ಟ್ರೀಯ ಸಂಸ್ಕೃತ ವಿದ್ಯಾಪೀಠ ಡಾಕ್ಟರೇಟ್‌ ನೀಡಿ ಗೌರವಿಸಿದೆ.

ವಿದ್ವಾನ್‌ ಯಜ್ಞಪತ್ಯ ಉಪಾಧ್ಯಾಯ ವಿರಚಿತ 'ಅನುಮಾನ ತತ್ವ ಚಿಂತಾಮಣಿ ಪ್ರಭಾಯಾಃ' ಎನ್ನುವ ಗ್ರಂಥದ ಅಧ್ಯಯನ ನಡೆಸಿ ಡಾ.ಸಂಪತ್‌ಕುಮಾಚಾರ್ಯ ಮಾರ್ಗದರ್ಶನದಲ್ಲಿ ಅವರು ಮಂಡಿಸಿದ ಮಹಾ ಪ್ರಬಂಧಕ್ಕೆ ಡಾಕ್ಟರೇಟ್‌ ಪ್ರದಾನ ಮಾಡಲಾಗಿದೆ. ರಾಘವ ಅವರು ಶಿರಸಿ ತಾಲೂಕು ಕಕ್ಕೋಡು ಗ್ರಾಮದ ಲಕ್ಷ್ಮೀನಾರಾಯಣ ಭಟ್ಟ ಮತ್ತು ಚಂದ್ರಮತಿ ಅವರ ಪುತ್ರರಾಗಿದ್ದಾರೆ.