ವಿದ್ಯುತ್‌ ಅವಘಡ: ಟಿವಿ, ಫ್ರಿಡ್ಜ್‌ ಭಸ್ಮ

ಕಾರವಾರ : ಸಿಡಿಲು ಹೊಡೆದು ವಿದ್ಯುತ್‌ ಶಾರ್ಟ್‌ ಸರ್ಕೂಟ್‌ ಉಂಟಾದ ಪರಿಣಾಮ ಇಲ್ಲಿನ ಹಾರವಾಡದ ಸೀಬರ್ಡ್‌ ಕಾಲೋನಿಯ ಮನೆಯೊಂದರ ಟಿವಿ ಫ್ರಿಡ್ಜ್‌ ಮೊದಲಾದ ಇಲೆಕ್ಟ್ರಾನಿಕ್‌ ವಸ್ತುಗಳು ಹಾಗೂ ಬಂಗಾರ ಸೇರಿದಂತೆ ಲಕ್ಷಾಂತರ ರೂ. ಮೌಲ್ಯದ ವಸ್ತುಗಳು ಸುಟ್ಟು ಕರಕಲಾದ ಘಟನೆ ಸೋಮವಾರ ರಾತ್ರಿ ನಡೆದಿದೆ.

ತಾಲೂಕಿನಾದ್ಯಂತ ಸೋಮವಾರ ರಾತ್ರಿ ಭಾರಿ ಗುಡುಗು ಮತ್ತು ಸಿಡಿಲಿನ ಅಬ್ಬರವಿತ್ತು. ಹಾರವಾಡದ ಪಾಂಡುರಂಗ ಅಂಬಿಗ ಅವರ ಮನೆಯ ವಿದ್ಯುತ್‌ ತಂತಿಗೆ ಸಿಡಿಲು ಹೊಡೆದಿದೆ. ಇದರಿಂದಾಗಿ ಶಾರ್ಟ್‌ ಸಕ್ರ್ಯೂಟ್‌ ಸಂಭವಿಸಿ ಟಿವಿ ಮತ್ತು ಫ್ರಿಡ್ಜ್‌ ಸಂಪೂರ್ಣ ಭಸ್ಮವಾಗಿದೆ. ಈ ವೇಳೆ ಟಿವಿಯ ಬಳಿ ಇಟ್ಟಿದ್ದ ಹಣ ಹಾಗೂ ಬಂಗಾರದ ಆಭರಣವೂ ಬೆಂಕಿಗೆ ಆಹುತಿಯಾಗಿದೆ.