ಮೊಸಳೆ ದಾಳಿಗೆ ಆನೆ ಬಲಿ

ದಾಂಡೇಲಿ : ಕುಳಗಿ ಭಾಗವತಿ ರಸ್ತೆಯ ಬೊಮ್ಮನಳ್ಳಿ ಜಲಾಶಯದ ಹಿನ್ನೀರಿನಲ್ಲಿ ಮಂಗಳವಾರ ನೀರು ಕುಡಿಯಲು ಹೋದ ಹೆಣ್ಣಾನೆಯೊಂದು ಮೊಸಳೆಗಳ ದಾಳಿಯಿಂದ ಸಾವನ್ನಪ್ಪಿದೆ.

ವಿಷಯ ತಿಳಿದ ಅರಣ್ಯ ಇಲಾಖೆಯ ವನ್ಯಜೀವಿ ವಿಭಾಗದ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಮೊಸಳೆಗಳನ್ನು ಓಡಿಸಿ ಆನೆ ಬದುಕಿಸುವ ಪ್ರಯತ್ನ ಮಾಡಿದರೂ ಆನೆ ಸಾವನ್ನಪ್ಪಿದೆ. ಪಶು ವೈದ್ಯಾಧಿಕಾರಿ ಡಾ.ಕೆ.ಎಂ.ನದಾಫ್‌ ಆನೆಯ ಮರಣೋತ್ತರ ಪರೀಕ್ಷೆ ನಡೆಸಿದ ನಂತರ ಹಿನ್ನಿರಿನ ಬದಿಯ ಅರಣ್ಯದಲ್ಲಿ ಅಂತ್ಯಕ್ರಿಯೆ ನಡೆಸಲಾಯಿತು.

ಈ ಸಂದರ್ಭದಲ್ಲಿ ಎಸಿಎಫ್‌ಗಳಾದ ಕೆ.ಎಸ್‌.ಗೊರವರ, ಸಂತೋಷ ಕೆಂಚಪ್ಪನವರ, ಆರ್‌ಎಫ್‌ಒ ಸಂತೋಷ ಚವಾಣ, ಕೆಮ್‌ಸಿಂಗ್‌ ರಾಥೋಡ, ಗಿರೀಶ, ದೀಪಕ ನಾಯ್ಕ, ಅನಂತಕುಮಾರ ಪಾಕಿ ಇತರರು ಉಪಸ್ಥಿತರಿದ್ದರು.