ಕುಟುಂಬದವರೆಲ್ಲದುಡಿದರೆ ಆರ್ಥಿಕ ಸಮಸ್ಯೆ ದೂರ

ಮುಂಡಗೋಡ : ಕುಟುಂಬದ ಸದಸ್ಯರೆಲ್ಲರೂ ದುಡಿದಾಗ ಮಾತ್ರ ಮನೆಯ ಆರ್ಥಿಕ ಸಮಸ್ಯೆ ದೂರವಾಗುತ್ತದೆ ಎಂದು ದೇಶಪಾಂಡೆ ಅರ್‌.ಸೆಟಿ ಹಳಿಯಾಳದ ನಿರ್ದೇಶಕ ನಿತ್ಯಾನಂದ ವೈದ್ಯ ಹೇಳಿದರು.

ಕೆನರಾ ಬ್ಯಾಂಕ್‌ ದೇಶಪಾಂಡೆ ಅರ್‌.ಸೆಟಿ ಹಳಿಯಾಳ, ವಿಸ್ತರಣಾ ಶಾಖೆ ಮುಂಡಗೋಡ ವತಿಯಿಂದ ಇತ್ತೀಚೆಗೆ ಬಸಾಪುರ ಗ್ರಾಮದಲ್ಲಿನಡೆದ ಹೊಲಿಗೆ ತರಬೇತಿ ಶಿಬಿರದ ಮುಕ್ತಾಯ ಸಮಾರಂಭದಲ್ಲಿಪ್ರಮಾಣಪತ್ರ ವಿತರಿಸಿ ಅವರು ಮಾತನಾಡಿದರು.

ಬ್ಯಾಂಕ್‌ಗಳು ಹಣಕಾಸು ಸಹಾಯ ನೀಡುವುದಲ್ಲದೆ ಸಮಾಜಮುಖಿ ಸೇವೆಯನ್ನು ಮಾಡುತ್ತಿವೆ. ಮಹಿಳೆಯರಿಗೆ ನಮ್ಮ ಸಂಸ್ಥೆಯು ಹಲವಾರು ರೀತಿಯ ಸ್ವಾವಲಂಬಿಯ ಸ್ವ ಉದ್ಯೋಗವನ್ನು ನೀಡುತ್ತಿದೆ. ಇದರ ಪ್ರಯೋಜನವನ್ನು ಎಲ್ಲರೂ ಪಡೆದುಕೊಳ್ಳಬೇಕು ಎಂದರು. ಎಚ್‌.ಎಂ.ನಾಯ್ಕ ಮಾತನಾಡಿದರು. ಕೆಜಿಜಿ ಬ್ಯಾಂಕ್‌ ಮ್ಯಾನೇಜರ್‌ ರಾಮಚಂದ್ರ ನಾಯ್ಕ ಮಾತನಾಡಿ, ಸ್ವ ಉದ್ಯೋಗ ಮಾಡಬೇಕನ್ನುವ ಮಹಿಳೆಯರಿಗೆ ಹಾಗೂ ಸ್ವ ಸಹಾಯ ಸಂಘಗಳಿಗೆ ಬ್ಯಾಂಕಿನಿಂದ ಸಾಲ ಸೌಲಭ್ಯ ನೀಡುತ್ತೇವೆ ಎಂದರು.

ಯೋಜನಾ ಸಂಯೋಜಕ ವಿನಾಯಕ ಚೌವ್ಹಾಣ, ಗ್ರಾಮೀಣ ಅಭಿವೃದ್ಧಿ ಅಧಿಕಾರಿ ಮಹಾಬಲೇಶ್ವ ನಾಯ್ಕ, ಕಲ್ಲಪ್ಪಾ ಬಂಡಿವಾಡ, ಪರಶುರಾಮ, ಹನುಮಂತಪ್ಪಾ ಕಂಬಾರ. ಈರಯ್ಯಾ ಚಿಕ್ಕಮಠ, ಶಾಂತಕುಮಾರ ಕೆ. ಉಪಸ್ಥಿತರಿದ್ದರು. ದೀಪಾ ಸಂಗಡಿಗರು ಪ್ರಾರ್ಥಿಸಿದರು. ಅಂಜು ಸಂಗಡಿಗರು ಸ್ವಾಗತ ಗೀತೆ ಹಾಡಿದರು. ಚೈತ್ರಾ ಸ್ವಾಗತಿಸಿದರು. ರೂಪಾ ವಂದಿಸಿದರು. ಶಿಲ್ಪಾ ಅಂಗಡಿ ನಿರೂಪಿಸಿದರು.