ಶಿಕ್ಷಕ ಸಾತು ಗೌಡಗೆ ಬೀಳ್ಕೊಡುಗೆ

ಗೋಕರ್ಣ: ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಸಾಣಿಕಟ್ಟಾ ಶಾಲೆಯಲ್ಲಿಸತತ 11 ವರ್ಷಗಳ ಕಾಲ ಸೇವೆಯನ್ನು ಸಲ್ಲಿಸಿ ಮಾದನಗೇರಿಯ ಶಾಲೆಗೆ ವರ್ಗಾವಣೆಗೊಂಡ ಶಾಲಾ ಮಕ್ಕಳ ಅಚ್ಚುಮೆಚ್ಚಿನ ಶಿಕ್ಷಕ ಸಾತು ಜಿ. ಗೌಡ ಇವರಿಗೆ ಬೀಳ್ಕೊಡುಗೆ ಸಮಾರಂಭ ನಡೆಯಿತು.

ಅಧ್ಯಕ್ಷತೆಯನ್ನು ಎಸ್‌.ಡಿ.ಎಮ್‌.ಸಿ ಅಧ್ಯಕ್ಷರಾದ ಓ.ಟಿ.ನಾಯ್ಕ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ನಿವೃತ್ತ ಶಿಕ್ಷಕಿ ಧಾರಣಾ ಉಪಸ್ಥಿತರಿದ್ದರು. ಕುಮಾರಿ ಅನನ್ಯಾ ಸಂಗಡಿಗರಿಂದ ಸ್ವಾಗತಗೀತೆ, ಮುಖ್ಯೋಧ್ಯಾಪಕಿಯರಾದ ಶ್ರೀಮತಿ ರಾಜಶ್ರೀ ಸರ್ವರಿಗೂ ಸ್ವಾಗಿಸಿದರು. ಸಾತು ಗೌಡರ ಬಗ್ಗೆ ವಿದ್ಯಾರ್ಥಿಗಳು, ಶಿಕ್ಷಕರು ಹಾಗೂ ಎಸ್‌.ಡಿ.ಎಮ್‌.ಸಿ ಅಧ್ಯಕ್ಷರು ಶಿಕ್ಷಕರ ಬಹುಮುಖ ವ್ಯಕ್ತಿತ್ವದ ಬಗ್ಗೆ ತಮ್ಮ ಅನಿಸಿಕೆ ವ್ಯಕ್ತಪಡಿಸಿದರು. ಶಾಲಾಭಿವೃದ್ದಿ ಸಮಿತಿ ಮತ್ತು ಶಿಕ್ಷಕ ವೃಂದದವರು ಅಡುಗೆ ಸಿಬ್ಬಂದಿಗಳೆಲ್ಲಸೇರಿ ನನಪಿನ ಕಾಣಿಕೆ ನೀಡಿದರು. ಸನ್ಮಾನ ಸ್ವೀಕರಿಸಿ ಮಾತನಾಡಿದ ಸಾತು ಗೌಡರು ತಮ್ಮ ಸೇವಾವಧಿಯಲ್ಲಿಸಾಣಿಕಟ್ಟಾ ಜನರ ಸಹಾಯ ಸಹಕಾರ ನೆನೆಯುತ್ತಾ ತಮ್ಮನ್ನು ಸನ್ಮಾನಿಸಿ ಬೀಳ್ಕೊಟ್ಟಿದ್ದಕ್ಕೆ ಕೃತಜ್ಞತೆ ಸಲ್ಲಿಸಿದರು. ಎಸ್‌ಡಿಎಂಸಿ ಸದಸ್ಯರು,ಶಿಕ್ಷಕಿಯರಾದ ಶೈಲಾ ನಾಯಕ್‌, ಸುಭದ್ರಾ ಗೌಡ ಹಾಗೂ ಊರ ನಾಗರಿಕರು ಉಪಸ್ಥತರಿದ್ದರು.