ಉಚಿತ ಆರೋಗ್ಯ ತಪಾಸಣಾ ಶಿಬಿರ 31ಕ್ಕೆ

ಜೊಯಿಡಾ : ಜೋಯಿಡಾ ತಾಲೂಕು ಕುಣಬಿ ಅಭಿವೃದ್ಧಿ ಸಂಘ ಹಾಗೂ ಧಾರವಾಡದ ಶ್ರೀ ಸೈಕ್ಯಾಟ್ರಿಕ್‌ ಸೆಂಟರ್‌, ಸ್ಪಂದನ ಆಸ್ಪತ್ರೆ ಸಂಯುಕ್ತಾಶ್ರಯದಲ್ಲಿ ಮಾ.31ರಂದು ಜೊಯಿಡಾ ತಾಲೂಕಿನ ಕುಂಬಾರವಾಡಾದ ಸರಕಾರಿ ಪ್ರೌಢಶಾಲೆಯ ಸಭಾಭವನದಲ್ಲಿ ಬೆಳಗ್ಗೆ 10.30ರಿಂದ ಸಂಜೆ 4ರವರೆಗೆ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಆಯೋಜಿಸಲಾಗಿದೆ.

ಮಾನಸಿಕ ಕಾಯಿಲೆ ಹಾಗೂ ಹೃದಯರೋಗ, ಮಧುಮೇಹಕ್ಕೆ ಸಂಬಂಧಿಸಿದ ಉಚಿತ ತಪಾಸಣೆ ಮತ್ತು ಚಿಕಿತ್ಸೆ ನೀಡಲಾಗುತ್ತದೆ. ಧಾರವಾಡದ ಡಾ.ಆನಂದ ಪಾಂಡುರಂಗಿ, ಡಾ.ಆದಿತ್ಯ ಪಾಂಡುರಂಗಿ ಹಾಗೂ ಡಾ.ಆರ್‌.ಸಿ. ಧೂಳಪ್ಪನವರ ನೇತೃತ್ವದ ತಂಡ ಶಿಬಿರದಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಕುಣಬಿ ಸಮಾಜ ಅಭಿವೃದ್ಧಿ ಅಧ್ಯಕ್ಷ ಜಯಾನಂದ ಡೇರೇಕರ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಆಸಕ್ತರು ಮಾಹಿತಿಗೆ- ಉಮೇಶ ಗಾವಡಾ (ಮೊ-9448027020), ವಿಷ್ಣು ಡೇರೇಕರ್‌ (ಮೊ-9481953394), ಶಿವಾನಂದ ದೇಸಾಯಿ (ಮೊ-9482289018), ಜಯಂತ ಗಾವಡಾ (ಮೊ-9449576700) ಸಂಪರ್ಕಿಸಬಹುದು.