ಹುಣ್ಣಿಮೆ ದಿನ ದೀಪಾವಳಿ ಆಚರಣೆ

ಸಿದ್ದಾಪುರ: ತಾಲೂಕಿನ ದೊಡ್ಮನೆ ಗ್ರಾ.ಪಂ. ವ್ಯಾಪ್ತಿಯ ಉಡಳ್ಳಿ, ಬಿಳಗೋಡು, ಆಲ್ಕುಣಿ ಗ್ರಾಮಗಳಲ್ಲಿಕೆಲವು ಕಾರಣಗಳಿಂದ ದೀಪಾವಳಿ ಹಬ್ಬ ನಿಂತು ಹೋಗಿತ್ತು. ಆದರೆ ಕೃಷಿ ಸಂಬಂಧಿತ ದೊಡ್ಡಹಬ್ಬ ಎನ್ನುವ ದೀಪಾವಳಿ ಹಬ್ಬವನ್ನು ಬಿಡಬಾರದು ಎಂಬ ಉದ್ದೇಶದಿಂದ ತಲೆತಲಾಂತರದಿಂದ ನಡೆದುಕೊಂಡು ಬಂದಂತೆ ಹುಣ್ಣಿಮೆಯ ದಿನ ಆಚರಿಸುವ ಸಂಪ್ರದಾಯದಂತೆ ಮಂಗಳವಾರದಿಂದ ಮೂರು ದಿನಗಳ ಕಾಲ ಆಚರಿಸಲಾಯಿತು.

ಬಲೀಂದ್ರನನ್ನು ತಂದು ವಿಶೇಷ ಪೂಜೆ ಸಲ್ಲಿಸಿದರಲ್ಲದೆ ಗೋವುಗಳಿಗೆ ರೊಟ್ಟಿ, ಪಚ್ಚೆತೆನೆ, ಅಡಿಕೆ ಸಿಂಗಾರಗಳ ಮಾಲೆಗಳನ್ನು ಹಾಕಿ ಪೂಜೆ ಮಾಡಿ ಮೆರವಣಿಗೆ ನಡೆಸಲಾಯಿತು.