ಕಾರವಾರ: ಜಿಲ್ಲೆಯೊಳಗೆ ಗೋವಾ ಮದ್ಯ ನಿರಂತರ..!

ಕಾರವಾರ: ದೇಶಾದ್ಯಂತ ಲಾಕ್‌ ಡೌನ್‌ ಇದ್ದರೂ ಗೋವಾ ಅಧಿಕಾರಿಗಳ ನಿರ್ಲಕ್ಷತ್ರ್ಯದಿಂದ ಉತ್ತರ ಕನ್ನಡದ ಗಡಿಯೊಳಗೆ ನಿರಂತರ ಅಕ್ರಮ ಮದ್ಯ ಸಾಗಾಟವಾಗುತ್ತಿರುವುದು ಜಿಲ್ಲೆಯ ಅಬಕಾರಿ ಅಧಿಕಾರಿಗಳ ನಿದ್ದೆಗೆಡಿಸುತ್ತಿದೆ. ಜಿಲ್ಲೆಯ ಅಧಿಕಾರಿಗಳು ಗೋವಾ ವಿರುದ್ಧ ಸರಕಾರಕ್ಕೆ ದೂರು ಹೇಳಿಕೊಳ್ಳುವ ಮಟ್ಟಿಗೆ ಪರಿಸ್ಥಿತಿ ವಿಷಮಿಸಿದೆ.

ಮಾರ್ಚ್ 24ರಿಂದ ರಾಷ್ಟಾ್ರದ್ಯಂತ ಕೊರೊನಾ ನಿಯಂತ್ರಣಕ್ಕೆ ಲಾಕ್‌ ಡೌನ್‌ ವಿಧಿಸಲಾಗಿದ್ದು ಮದ್ಯ ಮಾರಾಟ ನಿಷೇಧಿಸಲಾಗಿದೆ. ಆದರೆ ಜಿಲ್ಲೆಯ ಗಡಿಯೊಳಗೆ ಗೋವಾದಿಂದ ಬರುವ ಅಕ್ರಮ ಮದ್ಯದ ಹಾವಳಿ ಮಾತ್ರ ನಿಂತಿಲ್ಲ.

ಸಾಮಾನ್ಯ ದಿನಗಳಲ್ಲಾದರೆ ಇದು ಕೇವಲ ಅಕ್ರಮ ದಂಧೆಕೋರರ ಕೆಲಸ ಅಂತ ಅಥೈರ್‍ಸಬಹುದಿತ್ತು. ಆದರೆ ಈಗ ಇಡೀ ದೇಶದಲ್ಲೇ ಮದ್ಯ ಮಾರಾಟ ಬಂದ್‌ ಆಗಿರುವುದರಿಂದ ಈ ಅಕ್ರಮ ದಂಧೆಕೋರರಿಗೆ ಗೋವಾದ ಬ್ರಾತ್ರ್ಯಂಡೆಡ್‌ ಮದ್ಯ ಎಲ್ಲಿಂದ ಸಿಗುತ್ತಿದೆ ಎಂಬುದೇ ಜಿಲ್ಲೆಯ ಅಬಕಾರಿ ಅಧಿಕಾರಿಗಳಿಗೆ ಪ್ರಶ್ನೆಯಾಗಿದೆ.

ಗೋವಾದ ಅಬಕಾರಿ ಅಧಿಕಾರಿಗಳ ನಿರ್ಲಕ್ಷತ್ರ್ಯದಿಂದಾಗಿ ಅಲ್ಲಿಮದ್ಯ ಮಾರಾಟ ನಿಷೇಧ ಸರಿಯಾಗಿ ಅನುಷ್ಠಾನಗೊಳ್ಳದ ಸಾಧ್ಯತೆ ಇದೆ ಎಂದು ಆರೋಪಿಸಿರುವ ಜಿಲ್ಲೆಯ ಅಬಕಾರಿ ಇಲಾಖೆಯ ಹಿರಿಯ ಅಧಿಕಾರಿ, ಈ ಕುರಿತು ಕರ್ನಾಟಕ ರಾಜ್ಯ ಸರಕಾರಕ್ಕೆ ಪತ್ರ ಬರೆದು ದೂರಿದ್ದಾರೆ.

ಅಗತ್ಯ ವಸ್ತುಗಳ ಲಾರಿಯಲ್ಲೂ ಮದ್ಯ : ಗುರುವಾರ ರಾತ್ರಿ ಗೋವಾದಿಂದ ಜಿಲ್ಲೆಯ ಮಾಜಾಳಿ ಚೆಕ್‌ ಪೋಸ್ಟ್‌ನೊಳಗೆ ಪ್ರವೇಶಿಸಿದ ಅಗತ್ಯ ವಸ್ತುಗಳನ್ನು ಸಾಗಿಸುವ ಲಾರಿಯೊಳಗೂ ಅಕ್ರಮ ಮದ್ಯ ಇದ್ದಿದ್ದು ಪತ್ತೆಯಾಗಿದೆ. ವಿಚಿತ್ರವೆಂದರೆ ಇದೇ ಲಾರಿಯನ್ನು ಮೊದಲು ರಾಜ್ಯದ ಚೆಕ್‌ ಪೋಸ್ಟ್‌ನಿಂದ ಅನತಿ ದೂರದಲ್ಲೇ ಇರುವ ಗೋವಾ ಚೆಕ್‌ ಪೋಸ್ಟ್‌ನಲ್ಲಿತಪಾಸಣೆ ನಡೆಸಿದ್ದರೂ ಅವರಿಗೆ ಅಕ್ರಮ ಮದ್ಯ ಸಿಗಲೇ ಇಲ್ಲ!

ಗೋವಾದಿಂದ ಅಕ್ರಮ ಮದ್ಯ ಸಾಗಾಟವಾಗುತ್ತಿರುವುದು ಹೇಗೆ ಎಂದು ಗೋವಾದ ಅಧಿಕಾರಿಗಳನ್ನೂ ಪ್ರಶ್ನಿಸಿದ್ದೇನೆ. ನಮ್ಮ ಗಡಿ ದಾಟಿ ಬರುವ ಮದ್ಯವನ್ನು ವಶ ಪಡಿಸಿಕೊಳ್ಳುವ ಕಾರ್ಯವನ್ನು ಕಟ್ಟುನಿಟ್ಟಾಗಿ ಮಾಡುತ್ತಿದ್ದೇವೆ. ಆದರೆ ನಿಮ್ಮ ರಾಜ್ಯದಲ್ಲಿಅಕ್ರಮ ಮದ್ಯ ವ್ಯಾಪಾರ ಗಮನಕ್ಕೆ ಬರುತ್ತಿಲ್ಲವೇ ಎಂದು ಅಲ್ಲಿಯ ಅಬಕಾರಿ ಅಧಿಕಾರಿಗಳಿಗೆ ತರಾಟೆಗೆ ತೆಗೆದುಕೊಂಡಿರುವುದಾಗಿ ಉತ್ತರ ಕನ್ನಡ ಜಿಲ್ಲಾಅಬಕಾರಿ ಉಪ ಆಯುಕ್ತ ವೈ. ಆರ್‌. ಮೋಹನ್‌ ವಿಜಯ ಕರ್ನಾಟಕಕ್ಕೆ ತಿಳಿಸಿದರು.

ಲಾಕ್‌ ಡೌನ್‌ ಜಾರಿಯಾದ ಮಾರ್ಚ್ 24ರಿಂದ ಈವರೆಗೆ ಜಿಲ್ಲೆಯ ಗಡಿಯೊಳಗೆ ಅಕ್ರಮವಾಗಿ ಸಾಗಿಸುತ್ತಿದ್ದ ಒಟ್ಟು 312 ಲೀ. ಗೋವಾ ಮದ್ಯ, 174.5 ಲೀ ಗೋವಾ ಪೆನ್ನಿ , 48 ಬೀರ್‌ , 1 ಲಾರಿ ವಶಪಡಿಸಿಕೊಳ್ಳಲಾಗಿದೆ. 11 ಪ್ರಕರಣ ದಾಖಲಾಗಿದ್ದು 5 ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಅಬಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.