ಅಣ್ಣನ ಮಗಳು ಪ್ರೇಮ ವಿವಾಹವಾಗಿದ್ದಕ್ಕೆ ಚಿಕ್ಕಪ್ಪ ಆತ್ಮಹತ್ಯೆ

ಗೋಕರ್ಣ: ಜಟಾಯುತೀರ್ಥದ ಬಳಿ ಸೋಮವಾರ ದೊರೆತ ಶವ ಗೋಕರ್ಣದ ಶಂಕರ್‌ ಮೆಹೆಂದಳೆ(45) ಎನ್ನುವವರದು ಎಂದು ತಿಳಿದು ಬಂದಿದೆ. ಈತನದು ವೈದಿಕ ವೃತ್ತಿಯಾಗಿತ್ತು.

ಅಣ್ಣನ ಮಗಳು ಕುಟುಂಬದ ಇಚ್ಛೆಯ ವಿರುದ್ಧವಾಗಿ ತಾನು ಪ್ರೀತಿಸಿದ ಹುಡುಗನೊಂದಿಗೆ ಮದುವೆಯಾದ ವಿಷಯವನ್ನು ಮನಸ್ಸಿಗೆ ಹಚ್ಚಿಕೊಂಡು, ನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಪೊಲೀಸರಿಗೆ ತನಿಖೆಯಲ್ಲಿ ತಿಳಿದು ಬಂದಿದೆ.

ಎಎಸ್‌ಐ ರಾಜು ಆಗೇರ್‌, ಎಎಸ್‌ಐ ತಿಮ್ಮಪ್ಪ, ಪೊಲೀಸ್‌ ಸತ್ಯಾನಂದ ನಾಯ್ಕ ಹಾಗೂ ಪೊಲೀಸ್‌ ಶಿವಾನಂದ ತನಿಖೆಯಲ್ಲಿ ಪಾಲ್ಗೊಂಡಿದ್ದರು.