ಹೆದ್ದಾರಿ ತುರ್ತು ದುರಸ್ತಿಗೆ

ಶಿರಸಿ: ನ್ಯಾಶನಲ್‌ ಹೈವೆ ಅಥಾರಿಟಿ ಆಫ್‌ ಇಂಡಿಯಾ ಅವರಿಗೆ ಹಸ್ತಾಂತರಿಸಲ್ಪಟ್ಟ ಕುಮಟಾ -ತಡಸ್‌ ಹೆದ್ದಾರಿಯ ಕಿ.ಮೀ. 27.15 ರಿಂದ 60.00ರ ವರೆಗಿನ ನಿರ್ವಹಣೆಗೆ ಸಂಬಂಧಿಸಿದ ಅಧಿಕಾರಿಗಳೊಂದಿಗೆ ಸ್ಪೀಕರ್‌ ವಿಶ್ವೇಶ್ವರ ಹೆಗಡೆ ಕಾಗೇರಿ ಬೆಂಗಳೂರಿನಲ್ಲಿಚರ್ಚಿಸಿದ್ದು, ರಸ್ತೆಯನ್ನು ತುರ್ತಾಗಿ ದುರಸ್ತಿಗೊಳಿಸಲು ಕ್ರಮ ಕೈಗೊಳ್ಳುವಂತೆ ಸೂಚಿಸಿದ್ದಾರೆ.

ಡೆಪ್ಯುಟಿ ಜನರಲ್‌ ಮ್ಯಾನೇಜರ್‌ ನ್ಯಾಶನಲ್‌ ಹೈವೇ ಅಥಾರಿಟಿ ಆಫ್‌ ಇಂಡಿಯಾ ಅವರಿಗೆ ಈ ಸೂಚನೆ ನೀಡಿದ್ದು, ರಸ್ತೆಯ ನಿರ್ವಹಣೆಗಾಗಿ ಶಿರಸಿ ವಿಭಾಗಕ್ಕೆ 1.10 ಕೋಟಿ ರೂ. ಮಂಜೂರಿ ನೀಡಲಾಗಿದೆ. ಲೋಕೋಪಯೋಗಿ ವಿಭಾಗದಿಂದ ನಿರ್ವಹಣೆಗೊಳಿಸಲು ಕಾರ್ಯ ನಿರ್ವಾಹಕ ಎಂಜಿನೀಯರ್‌ ಅವರಿಗೆ ಸೂಚಿಸಲಾಗಿದೆ ಎಂದು ಪ್ರಕಟಣೆಯಲ್ಲಿತಿಳಿಸಿದ್ದಾರೆ.