ಹಿಂದೂ ದೇಗುಲ ಸರಕಾರದ ವಶ ವಿರೋಧಿಸಿ ಸಮಾವೇಶ

ಶಿರಸಿ: ರಾಜ್ಯದಲ್ಲಿ ಹಿಂದೂ ದೇವಾಲಯಗಳನ್ನು ಸರಕಾರದ ವಶಕ್ಕೆ ಪಡೆಯುವ ಕ್ರಮವನ್ನು ವಿರೋಧಿಸಿ ಶಿರಸಿಯಲ್ಲಿ ಬೃಹತ್‌ ಸಮಾವೇಶ ನಡೆಯಿತು. ಈ ಸಮಾವೇಶದಲ್ಲಿ ಪಂಚಯತಿವರ್ಯರು ಭಾಗವಹಿಸಿದ್ದರು.

ಸರಕಾರಕ್ಕೆ ದೇವಾಲಯಗಳ ಏಕರೂಪ ಕಾಯಿದೆ ವಿಷಯದಲ್ಲಿ ಎರಡು ಸಲ ಹೈಕೋರ್ಟ್‌ನಲ್ಲಿ ಕಪಾಳ ಮೋಕ್ಷ ಆಗಿದೆ.ಆದರೂ ಮತ್ತೆ ಕಾಯಿದೆಯ ಬಣ್ಣ ಬದಲಿಸಿ ಜಾರಿಗೆ ತರುವ ಮೂರ್ಖತನ ಮಾಡುವುದು ಬೇಡ. ರಾಜ್ಯದ ದೇವಾಲಯಗಳ ಪ್ರಮುಖರ ಸಭೆ ಕರೆದು ಸಮಾಲೋಚನೆ ನಡೆಸಲಿ. ಹಿಂದೂ ದೇವಾಲಯಗಳಿಗೆ ಸ್ವಾಯತ್ತ ಕಾಯಿದೆ ರೂಪಿಸಲಿ ಎಂದು ‌ಸೋಂದಾ ಸ್ವರ್ಣವಲ್ಲೀ ಸಂಸ್ಥಾನದ ಸ್ವಾಮೀಜಿ ಆಗ್ರಹಿಸಿದರು.