ಮನೆ ಮನೆ ಪರಿಶೀಲನೆ

ಕಾರವಾರ: ಜಿಲ್ಲೆಯಲ್ಲಿಮನೆ ಮನೆ ಪರಿಶೀಲನೆ ಕಾರ್ಯ ಯಶಸ್ವಿಯಾಗಿ ನಡೆದಿದ್ದು ಮುಂದಿನ ವಾರ ಎರಡನೇ ಹಂತದಲ್ಲಿಮತ್ತೊಮ್ಮೆ ಪರಿಶೀಲನೆ ನಡೆಸಲು ಜಿಲ್ಲಾಡಳಿತ ಚಿಂತನೆ ನಡೆಸಿದೆ.

ಹೊರದೇಶ, ರಾಜ್ಯ ಮತ್ತು ಹೊರಜಿಲ್ಲೆಗಳಿಂದ ಬಂದವರು , ಯಾವುದೇ ರೀತಿಯ ಅನಾರೋಗ್ಯಕ್ಕೆ ಒಳಗಾದವರ ಮಾಹಿತಿಯನ್ನು ಜಿಲ್ಲಾಡಳಿತ ಕಲೆಹಾಕುತ್ತಿದೆ. ಜಿಲ್ಲೆಯ ಪ್ರತಿ ಮನೆಗೂಆಶಾ ಮತ್ತು ಅಂಗನವಾಡಿ ಕಾರ್ಯಕರ್ತೆಯರು ಪರಿಶೀಲನೆ ಕಾರ್ಯದಲ್ಲಿತೊಡಗಿಕೊಂಡಿದ್ದಾರೆ. ಪರಿಶೀಲನೆಯಿಂದಾಗಿ ನಿಖರವಾದ ಮಾಹಿತಿಗಳು ಜಿಲ್ಲಾಡಳಿತಕ್ಕೆ ಲಭ್ಯವಾಗುತ್ತಿದೆ. ಇದರಿಂದ ಕೊರೊನಾವನ್ನು ಯಶಸ್ವಿಯಾಗಿ ನಿಯಂತ್ರಿಸಲು ಸಾಧ್ಯವಾಗಲಿದೆ. ಏ.5ರ ಸುಮಾರಿಗೆ ಜಿಲ್ಲೆಯಲ್ಲಿಬಹಳಷ್ಟು ಜನರ 14 ದಿನದ ನಿಗಾವಣೆ ಅವಧಿ ಮುಗಿಯಲಿದೆ.ಆ ಬಳಿಕ ಇನ್ನೊಮ್ಮೆ ಪರಿಶೀಲನೆ ಕಾರ್ಯ ನಡೆಸುವ ಯೋಜನೆ ಇದೆ ಎಂದು ಡಿಸಿ ಡಾ. ಹರೀಶಕುಮಾರ ಕೆ. ಅವರು ಮಾಹಿತಿ ನೀಡಿದರು.