ಹಿರೇಗುತ್ತಿ ಸೆಕೆಂಡರಿ ಹೈಸ್ಕೂಲ್‌ಗೆ ಉತ್ತಮ ಫಲಿತಾಂಶ

ಗೋಕರ್ಣ : ಮಹಾತ್ಮಗಾಂಧಿ ವಿಧ್ಯಾವರ್ಧಕ ಸಂಘದ ಅಡಿ ಕಾರ್ಯ ನಿರ್ವಹಿಸುತ್ತಿರುವ ಹಿರೇಗುತ್ತಿಯ ಸೆಕೆಂಡರಿ ಹೈಸ್ಕೂಲ್‌ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಶೇ.84 ಫಲಿತಾಂಶವನ್ನು ದಾಖಲಿದೆ.

98 ವಿದ್ಯಾರ್ಥಿಗಳಲ್ಲಿ 82 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. ವೆಂಕಟೇಶ ಜಟ್ಟಿ ಪಟಗಾರ (95.68) ಪ್ರಥಮ, ಶಿವಗಣೇಶ ಸಂತೋಷ ಮಹಾಲೆ (94.56) ದ್ವಿತೀಯ, ಸಹನಾ ಗೋಳಿ ಗೌಡ (93.28) ತೃತೀಯ ಸ್ಥಾನ ಪಡೆದಿದ್ದಾರೆ. ವಿದ್ಯಾರ್ಥಿಗಳನ್ನು ಶಾಲಾ ಆಡಳಿತ ಮಂಡಳಿ ಅಧ್ಯಕ್ಷ ಹೊನ್ನಪ್ಪ ಎನ್‌ ನಾಯಕ, ಮುಖ್ಯಾಧ್ಯಾಪಕ ರೋಹಿದಾಸ ಎಸ್‌ ಗಾಂವಕರ, ಹಿರೇಗುತ್ತಿ ಗ್ರಾ.ಪಂ. ಅಧ್ಯಕ್ಷ ಸಣ್ಣಪ್ಪ ಮಾರುತಿ ನಾಯಕ ಮತ್ತಿತರರು ಅಭಿನಂದಿಸಿದ್ದಾರೆ.